Л.Чинбат: Үндэсний бөхийн ноён оргил Б.Бат-Эрдэнэ аварга холбоог амжилттай явна гэдэгт итгэж байна
Монголын Үндэсний бөхийн холбоо хоёр хуваагдаад багагүй хугацаа өнгөрч байна. Шүүхийн хаалга татах дээрээ хүртэл хурцдаад байсан тэдний асуудал шийдэгджээ. Өчигдөр МҮБХ-ны тэргүүн гэх "Гацуурт" компанийн захирал Л.Чинбат Дархан аварга, УИХ-ын гишүүн Б.Бат-Эрдэнэд хадаг барьж, холбооныхоо тамгыг гардуулан өглөө. Ингэснээр хоёр холбоо нэгдэж, Л.Чинбатынх, Б.Бат-Эрдэнийх гэх талцал үгүй болж байгаа юм.
Л.Чинбат тамга тэмдэгээ гардуулан өгөхдөө “Үндэсний бөхийн цаашдын хөгжил, дэвшил, ирээдүйг Үндэсний бөхийн ноён оргил Б.Бат-Эрдэнэ аварга маань амжилттай авч явна гэдэгт найдаж, тамга гэрчилгээгээ гардуулж өгч байна” гэсэн бол Б.Бат-Эрдэнэ “Л.Чинбаттайгаа уулзаж, ярилцаад 7,8 сарын турш элдэв маргаан, үл ойлголцолыг эцэс болгохын төлөө хамтарч ажиллаж байна. Уг нь бид нэгдсэн хурал хийе гэсэн зарчимтай байсан ч янз бүрийн шалтгаанаар наадмын өмнө хурлаа хийж чадсангүй. Гэхдээ бидний зорьсон зорилт хэвээрээ байгаа” гэжээ.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна