ЦЕГ: "ОХУ-ын Сбербанк Монголын бүх долларыг ачаад явж байна" гэх худал мэдээлэл
Иргэн Б нь “Оросын Сбербанк УБ-т Монголын бүх долларыг ачаад яваа юм байна" гэх мэдээллийг цахим хуудаснаа нийтэлсэн. Тус мэдээлэл худал болохыг Цагдаагийн ерөнхий газраас мэдээллээ.
ЦЕГ-аас "Иргэн Б нь 2021 оны наймдугаар сард ОХУ-ын Красноярск хотоос 2006 онд үйлдвэрлэгдсэн "Ford" маркийн "Transit" загварын тээврийн хэрэгслийг худалдан авсан. Улмаар Эрхүү хотод ОХУ-д бүртгэлтэй улсын дугаарыг нь хураалгуулж, түр дугаар буюу Транзит дугаар /ОХУ-с Монгол Улсад түр хэрэглэх дугаар/ авч Монгол улсад оруулж ирсэн байна.
Дээрх тээврийн хэрэгслийг 2021 оны есдүгээр сараас хойш гараашинд байрлуулж байгаад Монгол Улсын дугаар авах зорилгоор байрныхаа гадна байрлуулжээ. Тухайн үеийн зураг цахим орчинд “...Оросын Сбербанк УБ-т Монголын бүх долларыг ачаад яваа юм байна...” гэсэн утгатайгаар тархсан нь худал мэдээлэл болно" гэсэн байна.
Эх сурвалж: ЦЕГ-ын Хэвлэл мэдээллийн төв
Сэтгэгдэл (2)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.21.108.7
Тэнэг худал зүйл бичээд байгаа юмнуудад арга хэмжээ аваач.Үнэхээр тархины тураалтай юмаа
Хариулах192.82.84.130
энэ улс чинь төр засагтай тусгаар тогтносон МОНГОЛ УЛС шүү дээ ийм юм бичдэг бичүүлдэг гаруудыг шийтгэх хэрэгтэй талцуулж хэрэлдүүлэх нэг арга
Хариулах