АН-аас мэдээлэл хийж, эрх баригч Ардын намын Засгийн газрын 2022 оны 10 булхайг нэрлэв.
АН-аас мэдээлэл хийж, эрх баригч Ардын намын Засгийн газрын 2022 оны 10 булхайг нэрлэв.
1. Хүнсний үнэ өсөж, иргэдийн амьдрал хүндрэв
- Атар талх 1200 төгрөгөөс 2400 төгрөг
- Махны үнэ 9000 төгрөгөөс 15000 төгрөг
- Бензин А92 1400 төгрөгөөс 2390 төгрөг болов
2. Нүүрсний хулгай
- 40 их наядын нүүрс сүүлийн 6 жил хулгайлагдав
- Хулгайн хэрэгт Их хурлын гишүүд зарлагдаж, BBC, KBS, Routers дэлхийд мэдээлэгдлээ.
- Иргэд -30 хэмийн хүйтэнд жагссан ч бодитой үр дүн гарсангүй.
3. Гадаад валютын ханшны өсөлт
- 2016 онд 1400, 2021 онд 2800 төгрөг байсан ам.доллар 3400 ₮хүрлээ.
4. Дарханы зам, бүтээн байгуулалт нэрээр луйвар газар авлаа
- Мухар төмөр замыг 1,4 тэрбум доллар буюу 5 гаран Их наядаар барьж 3 удаа нээсэн ч 1 тонн нүүрс зөөсөнгүй.
- Гурван Засгийн газар, 5 сайдын нүүр үзсэн 170 сая ам долларын өртөгтэй Дарханы замын нэг урсгал 6 жилийн дараа хэсэгчлэн ашиглалтад орлоо. Энэ хугацаанд олон Монгол хүний амь нас эрсэдлээ.
- Үндэсний цементийн үйлдвэрүүд зогсож 1 тонн 150 мянган төгрөг байсан цемент 400 мянган төгрөг болж бүтээн байгуулалтууд зогслоо.
5. Монгол улсын өр
- Нэг хүнд ногдох өр 30 сая төгрөг боллоо.
- Хэнтий аймгийн төсөв 270 тб, 1 хүнд ногдох төсөв 3 сая 500 мян
- Говьсүмбэр аймаг 11 тб, 1 хүнд 600 мянга төгрөг, Улаанбаатар 500 мянган төгрөг оногдож байна.
6. Олон улсад нэр хүндээ алдав
- Орос Украйны дайнд Оросын талд зогсож дайныг дэмжив.
- Японы эсрэг Оростой хамтарсан хээрийн сургуульд оролцов.
- Оросын элчин сайд Азизов, Монгол улсын дотоод хэрэгт оролцож бүдүүлэг үйл ажиллагаа явуулж эхлэв. Иргэд Оросын элчин сайдыг нутаг буцахыг шаардан Бямба гариг бүр өнөөдрийг хүртэл нийт 47 удаагийн жагсав
- Дайныг эсэргүүцэн үзэл бодлоо илэрхийлсэн залууст хоморголон ял өгөв.
7. Хүний эрх дордож, дарангуйлал сэргэлээ
- Сарангэрэл сайд иргэдээ “УЛ”-ны хэмээн ялгаварлан гадуурхаж, иргэд огцрууллаа.
- 2022 онд болсон үг хэлж үзэл бодлоо илэрхийлсэн олон залуусын жагсаалыг хүч хэрэглэн тарааж, баривчилж ял өглөө.
- Тэд хүссэн хүндээ хэрэг тохож, ял өгдөг боллоо.
- НҮБ-ын дур зоргоороо баривчилгаа явуулсныг шалгах ажлын хэсгийн шалгалтаар 2020, 2021 онуудад хийсэн баривчилгааны 99 хувь нь шүүхийн шийдвэргүй байсныг илрүүлж НҮБ дээр хэлэлцэхээр боллоо.
- Хөгжлийн банкнаас 1.8 их наяд төгрөг хулгайлагдаж, улстөрчдийн хамаарал бүхий компаниуд зээлээ эргэн төлөлгүй, зарим нь зориуд компаниа дампууруулжээ.
8. Үндсэн хуулийн хулгай
- 2020 онд сүртэй өөрчлөлт оруулсан Үндсэн хуульдаа жилийн дараа завсар оруулж УИХ-ын гишүүд сайд болж, давхар дээл өмслөө.
- Нэг удаа үйлчлэх Ковидын хуулийг баталж 3 удаа сунгаж, цар тахлын үеийн 10 их наядын төсвийг зарцуулалтыг нуусаар байна.
- Хуулийг 5 минутад баталж хуулийн хулгай хийсээр, 62-лаа сонгогдсон ч хууль батлахад ирц хүрэхгүй, байнгын хороод 2 гишүүнтэй хууль хэлэлцэж Монголын төр дампуурлаа.
- Авлига хээл хахууль авсан Ардын намын гишүүд хуулиас зугтаж 10 саяар торгуулдаг жишиг тогтлоо.
- Төрийн нууц нэрээр уул уурхайн баялгийг оффтейк гэрээ хийж халхлан дээрэмдэж тонодог болжээ. Одоогоор ердөө жижигхэн үнийн дүнтэй 9 гэрээг л ил болгожээ. Таван толгой 10 жил зарах нүүрсний мөнгө урьдчилан авч идсэн байна.
9. Одоо тэд 2024 онд ялахын тулд дахин Үндсэн хуулийг өөрчлөх гэж байна.
- Үүний төлөө тэд хүчний байгууллагыг бүрэн дайчилж байна.
- Чөлөөт хэвлэлийг мөнгө, эрх мэдлээр далайлган амыг хааж байна
- Монголын ардчиллыг устгахаар улайрч байна.
10. Энэ бүхний эцэст Монгол залуусын мөрөөдөл Солонгосын виз боллоо.
- Хувиараа бизнес хийх боломжгүй боллоо
- Шударга өрсөлдөөн үгүй боллоо
- Эх орондоо амьдрах итгэл нурж байна.
Эцэст нь хэлэхэд тэд Монголчуудын баялгийг хулгайлаад зогсохгүй, залуусын эх орондоо амар тайван аж төрж, сурах, ажиллах ирээдүйг хулгайлж байна гэлээ.
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.27.40
АН
Хариулах