Д.СУМЪЯАБАЗАР: Чунчин хотын энэ үйлдвэрээс LRT, монорейлийг үйлдвэрийн үнээр нийлүүлэх талаар хэлэлцлээ
Нийслэлийн Засаг дарга бөгөөд Улаанбаатар хотын Захирагч Д.Сумъяабазар БНХАУ-ын Чунчин хотод албан томилолтоор ажиллаж байна. Энэ үеэр тус хотын LRT, метро, монорейл зэрэг масс тээврийн туршлагыг судлан, танилцав.
Жилээс жилд нэмэгдэж буй нийслэлийн иргэдийн автомашины хэрэглээ, хэт төвлөрөл, түгжрэл зэрэг асуудлыг шийдэхийн тулд нийтийн тээвэрт хөнгөн галт тэрэг буюу LRT-ийг нэвтрүүлэхээр төлөвлөж буй. Тэгвэл Нийслэлийн Засаг дарга бөгөөд Улаанбаатар хотын Захирагч Д.Сумъяабазар БНХАУ-ын Чунчин хотод албан томилолтоор ажиллаж, тус хотын LRT, метро, монорейл зэрэг масс тээврийн туршлагаас судаллаа. Улаанбаатарын хүн амын хэт төвлөрөл, авто замын түгжрэлийг бууруулахын тулд нийтийн тээврийг төрөлжүүлэн богино хугацаанд олон хүн тээвэрлэх шийдлүүдийг нэвтрүүлэх талаар судалж, тэр дундаа хөнгөн галт тэргийг үйлдвэрийн үнээр авах боломжийн талаар Чунчин хотын Метро үйлдвэрийн удирдлагатай хэлэлцсэн юм.
Нийслэлийн Засаг дарга бөгөөд Улаанбаатар хотын Захирагч Д.Сумъяабазар:
-Монгол Улсын хүн амын талаас их хувь буюу 1.6 сая хүн амьдран суудаг Улаанбаатар хотод нийтийн тээврийг төрөлжүүлэн иргэдийн цаг завыг хэмнэсэн, зорчигчийн багтаамж ихтэй метро, хөнгөн галт тэргийг нэвтрүүлэх цаг нь ирсэн. Хотын төвлөрлийг сааруулах, түгжрэлийг бууруулах ажлын хүрээнд олон улсын туршлага, дэвшилтэт технологиудыг нэвтрүүлэх судалгааг өнгөрсөн хоёр жилийн хугацаанд хийлээ. Өртөг зардлын хувьд харьцуулахад Япон, ХБНГУ-аас хөнгөн галт тэрэг оруулж ирнэ гэвэл Хятадынхаас 2-3 дахин үнэтэй тусаж байна. Тэгэхээр бид евро стандартыг нэвтрүүлсэн, Монголын цаг уурын эрс тэс нөхцөлд ажиллах, мөн үнийн хувьд илүү хямд хувилбарыг нүдээр харж, сууж үзэн, үйлдвэртэй нь танилцлаа. Чунчин хотын энэ үйлдвэрээс LRT, монорейлийг үйлдвэрийн үнээр нийлүүлэх боломжийн талаар ч хэлэлцсэн хэмээв.
Чунчин хотын Метро үйлдвэрийн дэд захирал Хуа Жинфэй:
-Манай үйлдвэрийн хөнгөн галт тэргүүдийг 40 хэм хүртэл хүйтэрдэг, эрс тэс уур амьсгалтай газар ч ашиглаж болохыг туршсан. Тухайлбал, Жилин муж, Чанчүнь хотод одоо ашиглагдаж байгаа, мөн монорейлийг дэлхийн улс орнуудад, тэр дундаа Японы долоон хотод нийтийн тээвэрт нэвтрүүлсэн. Энэ тээврийн хэрэгсэл нь богино зайд маневрлах чадвартай, дуу чимээ багатай зэрэг давуу талтай гэсэн юм.
"Улаанбаатар шинэ бүтээн байгуулалт" ХХК-ийн ерөнхий инженер Г.Сумхүү:
-Дэлхийн томоохон хотуудын нийтийн тээвэрт маш олон төрлийн хэрэгслийг ашигладаг болсон. Ингэхдээ хүн амын тоо, нягтаршилтай уялдуулан масс тээврийн ямар хэрэгслийг сонгох вэ гэдгээ шийддэг. Тухайлбал, метрог гурав болон түүнээс дээш сая хүнтэй хотод түлхүү ашигладаг. БНХАУ-ын Чунчин хотын хувьд метро, хөнгөн галт тэрэг, монорейл гэсэн масс тээврийн гурван хэрэгслийг ашиглаж байна. Монорейл нь богино зайд маневр хийдэг, барилга байшин ихтэй газар тулгуур гүүрэн байгууламж дээр явах боломжтой. Улаанбаатар хувьд бид эдийн засгийн боломж, аюулгүй байдал, технологийн шийдлээс гадна цаг уурын нөхцөлд ажиллах, эсэх гээд олон талаас нь судалж аль нь тохиромжтой вэ гэдгийг шийдэх хэрэгтэй хэмээлээ.
Сэтгэгдэл (4)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.73.143
Ха ха нэг новш гарч ирээд л тэнгэрийн юм яриад таг болно. Хулгайч ажил хийлээ юу
Хариулах172.91.183.102
Өвчтэй, үхэх гэж байна гээд байсан чинь Хятадаас худалдан авалт хийх гээд явж байна ш дээ.Идэж уух юм юу байна гэж шиншиж яваа юм бишүү
Хариулах192.82.91.225
Ойлгохгүй л юм. Манайх шиг 2-3 урсгалтай замтай хот нэг урсгалыг нь хаагаад автобус, баахан багана босгоод дээгүүр нь энэ явахнээ. Бодоод үзээрэй. Уг нь Японтой ярьж газар доогуур метро барьвал зам талбай чөлөөтэй, шаардлагатай үед газрын доорх тунёльд хорогдох бололтой гээд олон давуу тал бий. Сул тал нь хөрөнгө оруулалт. Тэгэхдээ ирээдүйгээ бодож хийх хэрэгтэй. LRT БОЛОН КАНАДАН ТЭЭВЭР гээд энэ олон зардлыг уг нь алсыг бодсон бодлогоор л юмаар юм.
Хариулах64.119.21.140
Үнэ багатайг нь сонгочихоод дараа нь хамгийн үнэтэйгээс нь илүү өндөр үнэтэй болсон байдагаа хэзээ болих вэ хогны жижиг мопед шиг шахаа хийгээд байвал хөгжил түгжирэл яарих хэрэггүй
Хариулах