ПРОКУРОР: АТГ-аас ирүүлсэн УИХ-ын гурван гишүүний бүрэн эрхийг түдгэлзүүлэх саналтай прокурорын байгууллага танилцаж байна
Авлигатай тэмцэх газраас УИХ-ын нэр бүхий гишүүдийн бүрэн эрхийг түдгэлзүүлэх саналыг Улсын ерөнхий прокурорт хүргүүлэх талаар мэдээлсэн. Энэ талаар УЕПГ-ын Олон нийттэй харилцах албаны дарга, ахлах прокурор Д.Дашмаагаас тодрууллаа.
- Авлигатай тэмцэх газраас УИХ-ын хэдэн гишүүний бүрэн эрхийг түдгэлзүүлэх санал ирүүлсэн бэ, Улсын ерөнхий прокурор гишүүдийн бүрэн эрхийг түдгэлзүүлэх саналаа УИХ-д хэзээ хүргүүлэх вэ?
- Авлигатай тэмцэх газраас өчигдөр буюу 2023 оны 3 дугаар сарын 22-ны өдөр УИХ-ын нэр бүхий 3 гишүүний бүрэн эрхийг түдгэлзүүлэх саналыг прокурорын байгууллагад ирүүлсэн. Улсын ерөнхий прокурор Авлигатай тэмцэх газраас ирүүлсэн саналтай танилцаж байна гэлээ.
АТГ-аас УИХ-ын гишүүн Д.Бат-Эрдэнэ, Н.Наранбаатар, Т.Аюурсайхан нарын гурван гишүүний бүрэн эрхийг түдгэлзүүлэх саналыг УЕПГ-т хүргүүлэхээ энэ сарын 14-нд мэдэгдсэн билээ.
Сэтгэгдэл (1)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.68.7
Зөв
Хариулах