“САЯ ЗАГАС” төслийн хүрээнд Туул голд 90 мянган загас тавилаа
БОАЖЯ-ны захиалгаар Байгаль Хамгааллын “Туул ижий сан” ТББ-ын санхүүжилт, "JCI прогресс"-ын дэмжлэгтэйгээр ШУА-ийн Газарзүй-Геоэкологийн хүрээлэнгийн эрдэмтэн, судлаачдын хамтын ажиллагааны дүнд энэ онд амжилттай үржүүлсэн 90000 загасыг Туул голд тавилаа.
Орхоны Хөндийн БЦГ-ын хамгаалалтын захиргаатай хамтран үржилд тэнцэх 21 атуу, 20 атуухыг Орхон голоос барьж, эх сүрэг зөөвөрлөх зориулалтын саванд тээвэрлэн авчирч түрс,сунг авсны дараа Туул голд буцаан тавьсан юм. Туршилт судалгаанд Ховдын Их сургууль, МУБИС-ийн оюутан залуусыг дадлагажуулан, мэргэжил аргазүйн зөвлөмж өгч хамтран ажиллажээ. Монгол Улсад загас үржүүлгийн мэргэжилтэн ховор учир боловсон хүчнийг чадавхжуулахад уг арга хэмжээ чухал үүрэгтэй.
Уг төсөл хэрэгжсэнээр Туул гол болон цутгал голуудын загасны нөөц нэмэгдэн, хүн амыг амралт чөлөөт цагаа зөв зохистой өнгөрүүлэх, спорт загасчлал, эко аялал жуулчлалыг хөгжүүлэхэд чухал нөлөө үзүүлэх юм.
Мөн Монгол Улсын Засгийн газраас хэрэгжүүлж буй “Welcome to Mongolia” арга хэмжээний хүрээнд "Нэг жуулчин - Нэг загас" загас үржүүлгийн хөтөлбөрийг явуулах уг ажлыг үр дүнд хүргэхээр БОАЖ-ын Сайд Б.Бат-Эрдэнэ "JCI прогресс"-тэй хамтран ажиллах санамж бичигт гарын үсэг зурлаа.
Сэтгэгдэл (2)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.21.115.235
Усны урсгал Байгал нуурт зутгана. Загас тэнд үржээд орос буриадууд хоолтойгоо байх юм байна
Хариулах202.55.188.110
Say zagas terbum mod ih nayad hulgai geed barimjaalah um daa zolig gej
Хариулах