Б.ЖАВХЛАН: Хуримтлалын санд төвлөрүүлсэн хөрөнгөөр 10 мянган иргэнийг ипотекийн зээлд хамруулах боломж бүрдлээ
Засгийн газрын өнөөдрийн хуралдаанаар "Үндэсний баялгийн сангийн хуулийг хэрэгжүүлэх зарим арга хэмжээний тухай" Засгийн газрын тогтоолын төслийг хэлэлцэн баталжээ.
Сангийн сайд Б.ЖАВХЛАН:
- Үндэсний баялгийн сан нь гурван сангаас буюу Ирээдүйн сан, Хуримтлалын сан, Хөгжлийн сан гэсэн үндсэн гурван сантай байна. Засгийн газрын өнөөдрийн тогтоол нь Хуримтлалын сантай холбоотой буюу 500 тэрбум төгрөг хүртэлх хөрөнгийг уг санд төвлөрүүлэхээр шийдвэрлэлээ.
Өөрөөр хэлбэл, өмнө нь 700 тэрбум төгрөгийг ипотекийн зээлд төвлөрүүлдэг байсан бол одоо 500 тэрбум төгрөг нэмэгдэхээр 1,2 их наяд төгрөг ипотекийн зээлийн эх үүсвэр болж өсөж байна.
Одоогийн байдлаар банкуудад 17 мянган иргэн дээрх төрлийн зээлд хамрагдахаар хүсэлт гаргаад буй. Хэрэв тэдгээр өргөдөл банкны шалгуурыг хангасан тохиолдолд 10 мянган иргэний хүсэлтийг барагдуулах боломж бүрдэж байна.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна