О.БАТНАЙРАМДАЛ: БЗС-ийн хулгайгаар парламентын сонсгол зохион байгуулъя. Болохгүй бол ард түмний сонсгол хийе
МАН-ын намын нарийн бичгийн дарга О.Батнайрамдал Боловсролын зээлийн сан (БЗС)-ийн хулгайг сонсголоор илчилье гэх уриалгыг дэвшүүлсэн байна.
Тодруулбал, “Иргэдийн бухимдлыг төрүүлсэн элдэв булхай, луйврыг төр нь ард түмэнтэйгээ хамтран хянан шалгаж, хууль зөрчсөн, иргэдийнхээ боломжийг хулгайлсан үйлдлүүдэд хуулийн хариуцлага тооцно гэсэн амлалтаа улиг болгохгүйн тулд парламентын сонсгол зохион байгуулъя. Болохгүй бол ард түмний сонсгол өөрсдөө хийе” гэжээ.
Түүний хувьд одоогоос яг жилийн өмнө тус сангаас зээл авч, гадаадад суралцагчид зээлээ эргэн төлөөгүй, 90 хувь нь өндөр албан тушаалтан, тэдний хамаарлын хүмүүс байгааг хэвлэлийн хурал зарлан тоо баримтаар үзүүлж байв.
Эргэн сануулбал, тэрбээр БЗС-аас 2368 суралцагч 363 тэрбум төгрөгийн зээл авсан ч төлөөгүй, үүний 867-г нь үе, үеийн БШУ-ны сайд чөлөөлсөн байгааг онцолж байлаа. Тэрхүү зээлийн чөлөөлөлтийн тэн хагас буюу 435-ыг нь Л.Гантөмөр сайдаар ажиллахдаа хийсэн болохыг тодотгож, ёс зүйн манлайлал үзүүлэн зээлээ төлөхийг тус сангаас зээл авсан, зээл авчихаад тэглүүлсэн, зээлээ төлсөн ч хүүг нь төлөөгүйсуралцагчдад уриалсаар юм.
БЗС-ийн асуудалд үр дүн гартал нь явна гэдгээ илэрхийлээд буй тэрбээр хоёр долоо хоногийн өмнө (2024.04.21) УЕПГ-т нийгмийн алдагдсан боломжийг нэхэмжлэн БЗС-ийн асуудлаар гомдол гаргаж холбогдох материалуудыг хүргүүлсэн билээ.
Сэтгэгдэл (2)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.90.187
Бор тээгийн ордыг хусцан Амарбаясгалангын Админерал компаниар хийвэл яасын?
Хариулах202.126.91.200
Энэ одоо болиосой!!! Терийн хараат ямар ч сан ийм л байна, одоо ч адил! Алсын хараа 2050 гэсэн балай зуйлээс эд нарын мэдлэг харагдана.
Хариулах