БНСУ-д халдварын тархалт нэмэгдлээ
Засгийн газрын зүгээс халдварын тархалт зогстол олон нийтийг хамарсан үйл ажиллагаа явуулахгүй байх, сүм цуглаануудыг түр хугацаагаар үйл ажиллагаагаа зогсоохыг зөвлөсөн. Гэсэн ч зарим сүм цуглааны газар үл тоомсорлон залбирал үйлдэх тохиолдол гарчээ.
Үүнээс үүдэн Соннам дүүргийн Инхэ сүмээс 61 хүн халдвар авсан нь илрээд байна.
Мөн өчигдөр Тэгү хотод байрлах Хансаран ахмадын асрамжийн газраас 75 хүн халдвар авсан нь шинжилгээгээр тогтоогдсон. Ингэснээр дөрвөн өдрийн турш халдварын тархалт 2 оронтой тоонд ороод байсан бол өнөөдөр 100 гарчээ. БНСУ-д өнөөдөр 152 тохиолдол нэмж бүртгэгдсэнээр нийт 8565 хүн халдвар авсан нь албан ёсоор тогтоогдлоо.
Үүнээс 97 тохиолдол нь Тэгү хотод бүртгэгдсэн бол нас баралтын хувьд 7 хүн нэмж нас барснаар нийт 91 хүн нас бараад байгаа юм.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна