Д.Пүрэвдорж: НӨАТ хүндрэл учруулж байна

Админ
2020/04/07

УИХ-ын гишүүн Б.Пүрэвдорж сэтгүүлчдэд мэдээлэл хийлээ. Хэвлэлийн хурлын үеэр УИХ-ын гишүүн Б.Пүрэвдорж НӨАТ-ын татварыг бууруулах хуулийн төслийг яаралтай хэлэлцэх ёстой хэмээн мэдээлэл хүргэв. Тэрбээр,

“2019 оны 12 сард миний бие “Нэмэгдсэн өртөгийн албан татвар буюу НӨАТ-ыг 10 хувь байсныг 5 хувь болгох тухай хуулийн төслийг өргөн барьсан. НӨАТ-ын эцсийн татвар төлөгчид иргэд байдаг. Өөрөөр хэлбэл ард түмэн дэлгүүрээс худалдан авсан бараа бүтээгдэхүүндээ 10 хувийн татвар төлж, 100,000 төгрөгийн барааг 110,000 төгрөгөөр худалдан авдаг. Үүнээс НӨАТ-ын буцаан олголтоор хоёрхон хувийг нь буцаан авч байна. Харин НӨАТ-ын татварыг 5 хувь болгон бууруулсанаар иргэд буцаан олголтоор 2%, НӨАТ-т 3%-ийг төлөх боломжтой болно.

Өнгөрсөн хугацаанд НӨАТ нь МУ-ын эдийн засаг санхүүгийн байдалд тодорхой үр дүнгээ өгч, анхнаасаа орлогыг бүртгэх үндсэн үүргээ хангалттай биелүүлсэн. НӨАТ бол эдийн засгийн хүндрэл үүсээгүй байх үед ч иргэд болон жижиг дунд аж ахуй нэгжүүдийн үйл ажиллагаанд маш их хүндрэл учруулж байсан. Харин одоо Короновирусын халдвараас болж дэлхий дахинд эдийн засгийн нилээн том хямрал бий болж байна. Үүний улмаас Монгол улсын нийт ААН-үүдийн 70 хувь эдийн засгийн эрсдэлд ороод байна. Яг энэ үед л НӨАТ-ыг бууруулах нь эдийн засагт нэн шаардлагатай авах арга хэмжээний нэг юм. Чуулганы нээлтийн үеэр МУ-ын ерөнхийлөгч дээрх хуулийн төслийг дэмжин үг хэлсэн нь нэн шаардлага байгааг харуулж байна.

Орлого буурсан энэ үед иргэдэд тааламжтай татвар буулгах хуулийг яаралтай хэлэлцэх ёстой. Өнөөдөр жижиг дунд аж ахуй нэгжүүд цалингаа тавьж чадахгүйд хүрч, иргэдийн орлого буурч байгаа ч хорио цээрийн дэглэмийн үед хүнсний бүтээгдэхүүний хэрэглээ нэмэгдэж байна. Тиймээс энэ хүрээнд хийх ёстой хамгийн чухал арга хэмжээний нэг бол НӨАТ-ын татварыг багасгах юм” гэв.

Мөн орон нутгийн бүс, алслагдсан аймаг сумдын иргэдэд НӨАТ-ын татварыг буулгах нь хамгийн их үр өгөөжөө өгнө гэлээ. Тодруулбал, алслагдсан аймаг сумдын иргэдэд бараа таваарын тээвэрлэлтийн зардал шингэсэн өндөр өртөгтэй бүтээгдэхүүн хүрч, үүн дээр НӨАТ-ын татвар нэмэгддэг ч жижиг дунд ААН, дэлгүүрүүд баримт хэвлэн өгөх боломж бүрдүүлээгүй байдаг тухай дурьдав.  


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 77.81.167.242
    2020/04/08

    Сайн байна уу, энэ бол хувийн зээл олгогч Жозе Луис санхүүгийн тусламж авах шаардлагатай байгаа хүмүүст санхүүгийн боломж нээгдсэн гэдгийг олон нийтэд мэдээлэх явдал юм. 5000 евро-аас 100,00 еврогоос бид хувь хүн, компани, компанид 2% -ийн хүүтэй, тодорхой, ойлгомжтой байдлаар, нөхцөлөөр зээл олгодог. өнөөдөр бидэнтэй холбоо барина уу (albakerloanfirm@gma il.com)

    Хариулах