МӨНГӨНД ШАХАГДСАН АН-ЫН ЗАЛУУС “С.ЭРДЭНЭ+49”-ИЙГ ЗҮГЭЭР ОРХИХГҮЙ

Админ
2020/05/21

АН-ын 100 сая төгрөгийн босгыг давж, нэр дэвшихээр горилж байсан 200 орчим горилогчдоос дөнгөж 30 гаруй нь ном журмаараа нэр дэвших эрхээ авчээ. Үлдсэн нь нэр дэвшүүлэлтийн сүүлийн өдөр буюу энэ сарын 16-ны гэнэт орж ирсэн “Эрдэнэтийн 49”-ийнхөнд тойргоо булаалгаж зарим нэг нь огт тооцоолоогүй тойрогт хүчээр нэр дэвшихээр болцгоожээ. 

Ялангуяа залуучуудын хувьд ийм хуйвалдааныг хүлээн зөвшөөрөхгүйгээ мэдэгдэж өөр өөрсдийн байр суурийг илэрхийлцгээж байгаа. Тэд нэр дэвшигчдээ ч тодруулж чадахгүй, намын эрх мэдлээ мөнгөнд алдсан намын удирдлагуудтайгаа ялагдлаар тооцоо бодож, нэг мөсөн АН-ыг цэвэрлэж авахаар сэм тохиролцсон мэдээлэл байна.

БЗД-т нэр дэвшихээр хэдэн жил усалж тордон, 1 тэрбум төгрөг намдаа хандивласан гэх НИТХ-ын төлөөлөгч, АН-ын ҮБХ-ын гишүүн Тулгат, Хөвсгөлд горилж, жилийн өмнөөс л сурталчилгаагаа эхэлж мөн л тэрбумаар хэмжигдэхээр мөнгөө зарцуулсан Х.Эрдэнэбаатар гээд олон залуус ах нартаа тойргоо булаалгасан. Мөн Увсад нэр дэвшихээр горилж бүтэн жил тэнд амьдарсан НИТХ-ын төлөөлөгч Одонтунгалаг, СХД-ийн АН-ын даргаар ажиллаж, 4 жил намаа санхүүжүүлсэн УИХ-ын гишүүн асан Д.Батцогт, Нийслэлийн Засаг даргаар нэр хүндтэй ажиллаж, 40 мянгатад төрж өссөн гэгддэг Э.Бат-Үүл, БЗД-т 4 жил ажилласан хуульч Р.Булгамаа, БГД-ийн ИТХ-ын төлөөлөгч П.Цэцэгмаа гээд горилогчид санасандаа хүрч тойрогтой үлдсэн. 

Гэвч огт өөр таньж мэдэх ч үгүй тойрогт нэр дэвших эрхийг нь хүчээр өгсөн гээд АН-ын нэр дэвшигчдийг тойрсон будлиан, бухимдал ар араасаа цуварсаар байгаа. Үүгээр ч зогсохгүй АН-ын дарга С.Эрдэнэ 100 саяар тогтоосон босго, дэнчиндээ хэт улайрснаас уу гэмт хэрэгт шалгагдаж байгаа олон хүнийг нэр дэвшүүлсэн нь АН-д, нэр дэвшигчдэд нь итгэх итгэлийг улам алдагдуулаад байна. ҮБХ-ын хорооны гишүүдийн ярьж буйгаар энэ жилийн нэг дэвшигчдийг үндсэндээ 2 бүлэгт хуваажээ. Үүнийг нь задлан хүргэе.


1. ТОЙРГООР “ХҮЧИНДҮҮЛЭГЧИД”

– Сэтгүүлч Д.Батханд. Төрсөн нутаг Булгандаа горилж байсан ч ганц ч очиж үзээгүй Горь-Алтайд мандат авсан

– Д.Өсөхбаяр. Эрдэнэтийн намын хорооны даргаар 4 жил ажилласан ч тойргоо О.Баасанхүүд булаалгаж хаа хамаагүй Булганд нэр дэвшихээр болсон

– Г.Батчимэг.  АПУ компанийх нь үндсэн нутаг дэвсгэр болсон Хан-Уул дүүргийг товлон хэдэн жил бэлтгэсэн ч хэл ам хэрүүл шуугиантай Дорнод руугаа шидэгдсэн.

– Д.Батцогт – СХД-ийн АН-ын даргаар 4 жил ажиллаж, намынхаа санхүүжилтэд багагүй хөрөнгө оруулсан ч эцсийн мөчид луйврын гэмт хэрэгт шалгагдаж байгаа Кюкшүзан Батбаярт тойргоо алдаж БГД- рүү хүчээр явсан

– Э.Бат-Үүл. 40 мянгатын унаган хүүхэд, хотын элит гэдгээрээ ардчиллын 30 жил пиардаж хотод ч амжилтанд хүрсэн. Гэвч тэрбээр хэзээ ч дэмжихгүй, таних ч үгүй байж мэдэх аавынхаа төрсөн нутаг Хэнтийд торгуулийн суманд дайчлагдсан

– М.Энх-Амар. Хамгийн отгон генералуудын нэг тэрбээр хамгийн олон цэргийнхэн амьдардаг БЗД-ийг товлож байсан. Гэвч өдий хүртэл чирж, дүүрч, генерал цол хүртэл нь лообийдсон  Зи.Энхболд тойргийг нь авч Багахангай, Багануур, Найлах рүү цөлсөн.

– Д.Одонтунгалаг. Увсад нэр дэвшихээр 2 жилийн өмнөөс бэлтгэж, сүүлийн нэг жилд нь бөх нөхрөө дагуулан Увсад амьдарч эхэлсэн ч хотын БЗД-т нэр дэвшихээс аргагүй шахаанд орсон

– Р.Булгамаа. БЗД-т даагаа нэхэхээр анхнаасаа л зорьж зүтгэж байсан ч ЧД рүү эмэгтэйчүүдийн торгуулийн сусанд хуваарилагдсан.

– П. Цэцэгмаа. БГД-ийн ИТХ-ын төлөөлөгчөөр 4 жил ажиллаж, тэндээсээ дэвшин УИХ-д нэр дэвшинэ гэж байсан ч эцситйн мөчид СХД –т нэр дэвших квот авсан


2. ТОЙРГОО БУЛААЛГАГСАД


– Сангийн сайд асан Б.Болор. Сангийн сайд тэрбээр Архангайд горилж 100 сая болон бусад мөнгөө төлсөн ч хоосон хоцорсон.

– Олимпийн аварга Н.Түвшинбаяр. 2016 онд нэр дэвшин туршлагажин энэ жил даагаа нэхэхээр 100 сая төлсөн байсан ч жийгдсэн

– Ц.Ойдов. Эрдэнэтийн захын “босс” Эрдэнэтэдээ горилж 100 сая төгрөгөө төлсөн ч хасагдсан

– Нямдаваа. Дарханы ДЦС-ын дарга асан. 100 сая төгрөгөө төлж урьдчилсан жагсаалтад байсан ч “Оюутолгой”-н хэрэг, Дубайн гэрээгээр шалгагдаж байсан Бямбасайханыг “Эрдэнэтийн 49”-ийнхөн эцсийн мөчид оруулж ирэн тойргийг нь булаан авсан


– Ерөнхий сайдын  зөвлөх асан Хүдэрбаатар, УИХ-ын гишүүн асан Гарамгайбаатар, ҮБХ-ын гишүүн Осгонбаатар 3 нэр дэвшихээр яригдаж байсан ч энэхүү “гурван баатрыг” ганц Улсын баатраар сольж, Э.Бат-үүлд Хэнтийг хүчээр өгсөн.

– Мистер До буюу Зундуйдоржийг  Дорнодод андахгүй. 100 сая төгрөгөө төлсөн горилогчдын жагсаалтад эцсийн өдрийг хүртэл яригдаж байсан ч АПУ-гийн Г.Батчимэг тойргийг нь булаасан.

– Р.Эрдэнэбүрэн. Дундговьд нэр дэвшихээр 100 сая төгрөгөөр мянгат малчдаар хандивлуулан хамгийн түрүүнд тушааж, 4 жилийн турш Дундговьд ажилласан. Гэвч дахиж нэр дэвшихээсээ ичсэн байх гэж бодтол чимээ аниргүй нам гүм байсан УИХ-ын гишүүн Х.Наранхүү гэнэт орж ирж тойргийг нь булаан авсан

– Ассашёору Давгадорж. Өвөрхангайд нэр дэвшинэ хэмээн өрсөлдөгчгүй яригдаж №1-т бичигдэж байсан ч Зи.Энхболд хариугаа авч өөрийн хэвлэлийн түнш ЭТВтелевизийн Даваабаярт тойргийг нь хуваарилсан

– “Монос”-ын Эрдэнэчимэг, “Тэсо”-гийн Сайнбуян, БХ-ын сайд асан Ш.Түвдэндорж нар дэнчингийн 100 сая төгрөгөө төлсөн жагсаалтад орж,  СХД-т нэр дэвших нь тодорхой гэж байсан. Гэвч илүү их мөнгөтэй “Эрдэнэтийн 49”-ийнхөнд тойргоо алдсан.


– Сүндий гэж залуу горилогч мөнгөөр зодож ЧД байтугай Монгол даяар танигдатлаа сурталчилгаа хийж Чингэлтэй дүүргийнхнийг зурагтай уутаараа булж байсан. Гэтэл түүнийг 5 нам дамжсан, бие дааж ч үзсэн “шар” Уянгаар сольж , Сүндийг сүйрүүлсэн.

– Л.Гантөмөр. Элитүүд нэр дэвшиж өрсөлддөг гэдгээрээ алдартай СБД-т түүнийг нэр дэвшинэ. Ялна гэсэн яриа ч нам дамжин яригдаж байсан. Гэтэл 100 саятнуудын жагсаалтад орсон ч эцсийн мөчид “Эрдэнэтийн 49”–ийнхний нөлөөгөөр “блүүмбэргийн” Долгионд тойргоо булаалгасан

– Ж.Ганхуяг. ХУД-ийн Засаг дарга асан түүнийг тодорхойгүй шалтгаанаар Ерөнхийлөгч асан Ц.Элбэгдоржийн зөвлөх Өнөрбаяраар сольсон

– ХУД-ийн ИТХ-ын дарга асан ардчиллын партизан Б.Ариунболдыг энэ удаад яг нэр дэвшүүлнэ хэмээн тохирч 100 сая байтугайг авч өгөлцсөн. Гэвч эцсийн мөчид “Нямдоржийн хүүхэн” гэгддэг Энхсайханыг гэнэт оруулж ирэн тойргийг нь өгсөн байдаг.

– М.Тулгат. Улс төрд идэвхитэй ажилласан өнгөрсөн 10-аад жилийн хугацаанд Зи.Энхболдын далласан газар нь ил гарч хамаг юмыг нь хийж байсан энэ залууг энэ жил УИХ-д нэр дэвшүүлнэ хэмээн насаар нь ашигласны эцэст татаад дууссан тамхины иш шиг л хөсөр хаяж Зи.Энхболд тойргийг нь үнэхээр том ах шиг нь үг дуугүй дээрэлхэн авсан.


Сэтгэгдэл (14)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 182.160.34.17
    2020/05/24

    элбэгдорж , эрдэнэ , манангийн фракц болон хятадын эрлийз биш л бол ан-аас хэн ч сонгуульд нэр дэвших эрхгүй ХАЙРАН САЙХАН ЗАЛУУЧУУД ЯАЖ Ч ЗҮТГЭЭД ГАРЧ ЧАДАХГҮЙ ДЭЭ

    Хариулах
  • 103.26.193.166
    2020/05/23

    Элэгдорж, эрдэнэ, батүүл, сайханбилэг, зика, дорлигжав, баярцогт хурц гээд үргэлжлэх хогийн гаруудаасаа салаагүй цагт АН сэргэхгүй,

    Хариулах
  • 202.126.89.235
    2020/05/22

    Баасанхүү Эрдэнэтээс ер нь хаанаас ч гарахгүй ээ! "Нам банзал" ккк

    Хариулах
  • 43.228.130.169
    2020/05/22

    Дарханы ДЦС-ын захирал 100 саяыг хаанаас гаргав

    Хариулах
  • 202.9.46.45
    2020/05/22

    СОНГУУЛЬД ОРОХ ГЭЖ ҮХЭХЭЭС БУСДЫГ НЬ ХИЙХ ЮМ БАЙНА Л ДАА МОНГОЛ УЛСЫН СОНГУУЛЬ ШУДРАГА СОНГУУЛЬ МӨН ҮҮ ХЭРЭВ ТИЙМ ГЭЖ БАЙГАА БОЛ ТЭРЭН ШИГ ХУДЛАА ЮМ БАЙХГҮЙ ХҮН БҮРИЙН АРД ХАР МӨР ТАТУУЛСАН АВИЛГАЛ ХЭЭЛ ХАХУУЛИЙН МӨНГӨ БАЙГАА ИЙМ ХҮМҮҮС ХЭЗЭЭ Ч АРТ ТҮМНИЙХЭЭ ТӨЛӨӨ УЛС ЭХ ОРНЫХОО ТӨЛӨӨ ЮМ ХИЙХГҮЙ ӨӨРСДИЙГӨӨ Л БӨӨЦИЙЛӨНӨ ИЙМ ХҮМҮҮС ХЭРЭГГҮЙ ШҮҮ.

    Хариулах
  • 192.82.78.250
    2020/05/21

    AN-anhnaasaa ymar baisan be gedegee il tod haruullaa.zaluuchuud ig hudlaa ugeer huuran mehelj doromjloloo.MANam.MA HN-nhan bol hezeech iim zan gargahgui.Mungu mungu munguu gej

    Хариулах
  • 64.119.19.28
    2020/05/21

    муу хүнээс муу үйл л гарнашдээ

    Хариулах
  • 192.82.76.183
    2020/05/21

    АН -ыг арайч ийм амьтанаар удирдуулаж ингэж завхарна сүйрэнэ гэж санасангүй,батлахыг нь буцааж өгөөд салахаас өөр зам алга

    Хариулах
  • 109.89.151.254
    2020/05/21

    Boxir uls tor gej eniig l xeldeg baix daa!Yund boxir uls tord orox gej ingetlee ulairna ve?100 saya tolj aldaj xalaglaj baixaar toloxoosoo omno toloxgyi gej jinxene ardchilagch yum bol temtsex estoi baisan bish yy!

    Хариулах
    • 66.181.191.249
      2020/05/22

      Yg tiim

  • 103.9.90.130
    2020/05/21

    Эрдэнэ ван түүний тойрон хүрээлэгчид удахгүй хусуулна цаг хугацааны л асуудал тэр цагт АН- маань сэргэнээ.Сонгуулийн ялагдал бидэнд АН-ыг МАНАН-МАФ ын луйварчидаас цэвэрлэх боломж олгоно энэ л бидний ирээдүй.

    Хариулах
  • 103.212.116.150
    2020/05/21

    Ээ хөөрхий эдгээр олон залуучууд намыхаа тугийг шатаагаад МАН МАХН хоёрт тэнцүү хуваагдаад АН г сөнөөгөөд Эрдэнэ вангаа золигт гаргаач.Аймаар их мөнгөөр дэнчин тавьж ноён Санжмятав мөнгийг чинь буцааж өгөхгүй намыхаа санхүүжилтэд авлаа гэж албан ёсоор мэдэгдлээ шүү дээ.Эрхэм дүү нараа энэ сонгууль та нарын хувьд маш том сургамж асар их мөнгөөр шудрага ёсыг нам цохин унагааж та нарт минь маш том салаавч өглөө.Энэ шударгуу бус үйлдлийг таслан зогсоох хүч чадлыг бурхан та нарт өгчээ.Урагшаа залуусаа хариугий нь баригтун.Бүү ухар ард чинь ард түмэн ассан танк шиг хүржигнэн та нарын дохиог хүлээж байна.Дээрэмдүүлж болсон юм унгагаагаад өг дараа нь тавлан даажигнах цаг нь ирнээ ирчихсэн байна залуусаа

    Хариулах
    • 202.131.243.190
      2020/05/23

      Дэмжиж бна мөнгөө яаралтай аваачээ улсынхаа хөгжилд гал нэм

    • 202.21.119.98
      2020/05/21

      дэмжиж байна.