Улстөрчдийн “хунтайж”-ууд орон нутгийн сонгуульд өрсөлдөх нь

Б.Ариунзаяа
2020/09/09

Сар гаруйн дараа болох орон нутгийн сонгуулийн гараа нэлээд ширүүхэн эхэлж байна. Эрх баригч МАН-ын эсрэг АН, МАХН, ШИНЭ намууд хамтарч оролцож байгаа бол УИХ-д суудалтай ХҮН дангаар оролцохоор нэр дэвшигчидээ тодруулжээ. 

Нэр дэвшигчдийн дунд улстөрчид, УИХ-ын гишүүдийн “цүнх баригчид” цөөнгүй байгаа бол улстөрчдийн өв залгамжлагчид ч бас байна. 

Тодруулбал, Ерөнхийлөгч асан Ц.Элбэгдоржийн хүү Э.Эрдэнэ өнгөрсөн дөрвөн жилийн хугацаанд БЗД-ийн төлөөлөгчөөр сонгогдон ажилласан. Тус намын хувьд МАХН болон ШИНЭ-ийн нэр дэвшигчид өрсөлдөж байгаа тойрогт гишүүдээ өрсөлдүүлэхгүй байх тохироотойгоор энэ удаагийн сонгуульд орж буй. Тэгвэл Э.Эрдэнийн хувьд АН-аасаа нэр дэвших эрхээ авчээ. Тэрбээр дүүрэгтээ буюу БЗД-тээ нэр дэвшихээр болсон байна.

Тус намаас бас нэгэн “шинэ дүр” нэр дэвшиж байгаа нь Л.Болдхуягийн Билэгт. Аавынх нь ах Лу.Болд хоёр жилийн өмнө олон удаа УИХ-ын гишүүн, сайдын суудалд суулгаж байсан АН-аасаа гарч, Ж.Батзандантай хамт ШИНЭ байгуулсан. Гэвч өнгөрсөн УИХ-ын сонгуулиар тэрбээр сонгогчдынхоо итгэлийг авч чадаагүй. 

Тэгвэл М.Билэгт гэр бүлээ төлөөлөн улстөрд үзэхээр шийдсэн бололтой. АН-аас Хан-Уул дүүрэгт өрсөлдөхөөр болсон байна.   

Түүнчлэн МАХН-аас Н.Энхбаярын хүү Э.Батшугар мөн л энэ удаагийн сонгуульд нэр дэвшихээр болжээ. Тэрбээр намынхаа Ерөнхий нарийн бичгийн дарга Б.Тулгатайгаа хамт УИХ-ын сонгуульд өвдөг шороодсон дүүрэгтээ буюу Сонгинохайрхан дүүрэгт нэр дэвшиж байна. Э.Батшугарын хувьд саяхан Ерөнхийлөгчийн зөвлөхөөр томилогдсон гэх мэдээлэл гарсан ч түүнийг өөрөө үгүйсгэсэн билээ. 


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.126.88.218
    2020/09/09

    Bugd bolovsroltoi humus yum bnle...za amjilt ghes uur yahav!

    Хариулах
    • 64.119.17.176
      2020/09/09

      Demjihgui

  • 202.55.188.41
    2020/09/09

    Goy goy huntaijuud king sentiide zalrah tsag boljee

    Хариулах