Т
О
В
Ч

Онцлох
Сэдэв
tovch.mn
товч мэдээлнэ

Намаа хуваасан С.Эрдэнэ хүүдээ нам тасалж өгчээ

2019 оны 06 сарын 10

Монголчууд хүүхдээ эрийн цээнд хүрэхээр нь гэр барьж, гал, мал тасалж өгдөг. Энэ цагийн баячууд харин эрх хүүхдүүддээ нам тасалж өгдөг болжээ. Тухайлбал, Эрдэнэ ван гэгдтэлээ Баянгол дүүргийг эзэмшин, эзэгнэсэн АН-ын дарга С.Эрдэнэ дунд хүүдээ нам байгуулж өгсөн ажээ.Үгүй мөн баярхаж байгаа юм шүү. Нас биед хүрсэн хүүдээ байр сав, унаа тэрэг авч өгөөд өрх тусгаарлуулахад болох байтал бүхэл бүтэн нам байгуулж өгч байдаг. Нам байгуулна гэдэг чинь наанадаж 801 хүний дэмжлэг авсан байх ёстой. Тэрийг нь хангаад нам байгуулж байна гэхээр Эрдэнэ ван хүүдээ өөрийн хошуунаас тасдан 801 албаттай хошуу байгуулж өгсөн гэсэн үг юм уу даа.

 

Аав нь Ардчилсан намын дарга, хүү нь Зон олны намын ерөнхий нарийн бичгийн дарга. Монголын улс төрд ийм үзэгдэл урьд өмнө байсангүй. Жишээ нь сая Хэнтий аймгийн 42 дугаар тойргийн нөхөн сонгууль зарлагдахад Ардчилсан нам ч, Зон олны нам ч аль аль нь өрсөлдөнө гэдгээ мэдэгдэж Сонгуулийн ерөнхий хорооноос батламжаа авсан. Аав, хүү хоёрын нам хоорондоо өрсөлдөнө л гэсэн үг. Сонирхолтой парадокс.Наанаа өрсөлдөгч боловч цаанаа зөвшилцөгч, хуйвалдагч байх уу, эсвэл үнэхээр наанаа ч, цаанаа ч эвлэрэшгүй өрсөлдөгч үү. Ирэх жил болох УИХ-ын сонгуулиар Зон олны нам 76 тойрогт нэр дэвшүүлэн өрсөлдөнө гэж тус намын генсек Эрдэнийн Одбаяр мэдэгдсэн байна лээ. Энэ нь Ардчилсан намын саналыг бүх тойрогт хуваана гэсэн үг. Үүгээрээ аавдаа хүү нь тус хүргэнэ гэсэн үг үү, ус болно гэсэн үг үү.

 

С.Эрдэнийг МАНАН бүлэглэлийн нэг гол толгойлогч, Ардчилсан нам дахь МАНАН-гийн удирдагч гээд байдаг. Тэр нь үнэн бол хүүгийнх нь нам сонгуулийн тойрог бүрт нэр дэвшүүлж Ардчилсан намын саналыг хуваах нь С.Эрдэнэд ашигтай байх бизээ. С.Эрдэнийг Ардчилсан намын даргаар сонгогдоход олон нийт дийлэнх нь эсэргүүцэж, шүүмжилж байсныг санаж байна. Тэр дундаа “Ардчилсан намын даргын сонгуульд МАН яллаа” гэж олны танил нийтлэлч бичиж байсан билээ.

 

Нээрээ л сүүлийн хоёр жил хагасын хугацаанд Ардчилсан намын дарга МАН-ын эрх ашгийг байнга хамгаалсан. Бараг л МАН-ын бие төлөөлөгч шиг ажилласан. Хүүдээ нам байгуулж өгсөн нь ч Ардчилсан намын даргын сунгаанд нэр дэвшин өрсөлдсөн тэр хугацаатай давхацдаг бөгөөд С.Эрдэнэ сунгаандаа унах аваас өөрөө Зон олны намын дарга болох байсан ч гэлцдэг. Хүүгийнх нь нам Ардчилсан намын үүсэн байгуулагдсан яг төр өдөр буюу арванхоёрдугаар сарын 06-ныг тааруулан байгуулагдаж, үүнийгээ Ардчилсан намтай яг адилаар Их Монгол Улс байгуулагдсан оныг бэлгэдсэн гэж тайлбарлаж байгаагаас харахад Зон олны олны нам Ардчилсан намыг хорлоод ч байгаа юм шиг. Бэлгэдлийг нь булаацалдаад л.

 

МАНАН бүлэглэл буюу албан тушаалын мафи нам дамжин томорч, улс орны хөгжлийг, ардчилал, шударга ёсыг уландаа гишгэж байгаа энэ үед Ардчилсан нам хүчирхэг, гишүүд, дэмжигчид нь нэгдмэл цул байж л ялалтад хүрнэ. Гэтэл Ардчилсан намын дарга нь гэр бүлийн нам байгуулж, хүүгээрээ удирдуулчихаад түнийгээ Зон олны нам гэж нэрлээд байгаа нь хоржоонтой. Уг ньЗон олны нам буюу ЗОН-ыг Зөвхөн Эрдэнийн нам буюу ЗЭН гэмээр санагдана.

Сэтгэгдэл бичих

Сэтгэгдэл

  • ЗОН-ыг МАН-ыхан АН-тай наах гээд л үзээд байгаа бололтой. Харваас л төлбөртэй захиалгат нийтлэл байна. ЗОН-ын нарийн бичгийн дарга Одбаярыг ингэж буландаж байж АН юм уу МАН-д элсээд ороод ирвэл бүр ч хүсээгүй зүйл чинь болох байх даа. Юунд ингэж бужигналдаад байгаан болдоо

  • Зон олны намаар оролдоод байхыг бодоход тэтгэвэртээ гардаггүй ах нарын дургүйг хүргэсэн бололтой?

  • энэ нийтлэлийг ойлгосонгүй ээ, хэн ч нам болон олон нийтийн байгууллага байгуулж болно. Тэр дундаа улс төрийн чиглэлээр хэн ч үзэл бодлоо илэрхийлж өөрийн эх орондоо өөрийн бие сэтгэлээ зориулах тэр хүнийг дэмжиж дагахыг аль ч нам хориглож чадахгүй дээ

  • орогнох газраа бэлдэж байгаа юм

  • Nam baiguulj talstaj idej sursan ulsuud dahin jijig manang bii bolgoj tomruulah sanaatai BAtzandangin namd zabsrin namd orbol mungutei boldog gesen oilgolttoi bolobcrolgui hun daanch ih baih 76gaag gargaj iduuluhee bolihgui bol uls maani duuclaa erunhiilugchin zasaglal taarah um

  • Эрдэнээ чи зүгээр зайл чамд нам битгий хэл эх оронд байх газар олдохгүй чи удахгүй мэдэрнээ

  • Шоронд ЗОН гэж үг их алдартай бдг юм Оросоор Зона буюу тусгаарлах зоны шорон гэж байдаг Зоноос ялтангууд аль шорон явхаа хуваарилагдана Гал хамуудруу явах гамшигт дарамтруу орохуу гэх мэт ...

  • Avgaigaa alsan aluurchin,sejgin bax melhii bayngol duureg,xoroo enuunii ax dvv xamaatan sadan, bolovsrol medleggui buduuleg chadvargui yumnuudaar duursen niigmin daatgalin mungiig hussan sain shalgaj shorond XATaa

  • Эрдэнэ гуай тэтгэвэртээ гарчих гуайж байна. АНыг тарааж дуусах нь, бүүр болохгүй бол ШИНЭ нам руу бүгдээрээ орцгоое

  • ene erdene yaasan davartsan amitan hun alsan gehiin duureg avsan gehiin nam baiguulsan nairamdald gazar avsan yarij bgaagn sonshoir ene hund huuki uilcheldgui met yarihiin eniig neg hiigeed sain shalgaach ih mungu garndaa buh yumiin huraa

  • Эрдэнэ угаасаа АН, ардчиллын эсрэг бодолтой хүн, Элбэгдорж, Ми. Энхболдтой холбоотой, МАН-д үйлчилсээр удаж бгаа хүн. Анхнаасаа Ардчиллын төлөө итгэл үнэмшлээрээ орж ирээгүй нь олон юман дээр харагддаг,90 онд намын 2, 3-р эгнээний нөхөр л байсан гэдгийг Ардчлсан Холбооэыхон мэднэ. Албан тушаал, эрх мэдэл эд хөрөнгөнд дуртай тэрээр авгайгаа үхсэний дараа хөрөнгөн дээр нь суусан гэдэг нь ч ортой, маш их шуналтай түүний ганц зорилго бол үр хүүхэд ах дүүс найз нөхдөөрөө төрд олон жил суух идэх хагартлаа баяжих санаатай нь ойлгомжтой.

  • сонирхолтой

  • Ард түмнийг талцуулж хувааж үймүүлэх нь сэрдэнэ д ашигтай.өөрийнхөө гэмт хэрэг үйлдлийг хаацайлах гэсэн шорон арга.намын гишүүд ард түмэн хууртахгүй болгоомжтой байх хэрэгтэй үхэхдээ үхэр буугаа тавьж байгаа арга.их л сандарч байна даа сэрдэнэ.

  • Намууд гэхч хуйвалдагчууд ийм юм найруулж байдаг (шинэ) гэхч довчилсон намыран ийм л юм болосоруулцан байгаа лав л лу.болд