Товч ишлэл: О.Орхон юу хэлэв
Админ
2019/03/07
ХХБ-ны Гүйцэтгэх захирал О.Орхон мэдээлэл хийлээ. Түүнийг энэ сарын 5-ны өдөр Эрүүгийн цагдаагийн газар ХХБ-ны эзэн Д.Эрдэнэбилэг, ХХБ-ны захирал О.Орхон болон “Монголиан коппер корпорейшн” ХХК-ийн Гүйцэтгэх захирал Ц.Пүрэвтүвшин нарын хамт Эрдэнэт үйлдвэрийн 49 хувийг хууль бусаар худалдан авсан хэрэгт буруутган баривчилж, 461 дүгээр ангид нэг хоног хорьсон юм. Түүний мэдээллийг товчлон хүргэе.
- - Өнгөрсөн өдрүүдэд сэтгэлд сэрд хийлгэм аймшигтай үйл явдал боллоо
- - Улс төрийн зорилготой, эрх мэдэл албан тушаалын дахин хуваарилалттай холбоотой зохион байгуулалттай үйл ажиллагаа боллоо
- - Ажил руугаа явж байх үед гэнэтийн баривчилгаа явуулсан. Надад энэ талаар мэдүүлэг өг гэж зарлан дуудах хуудас илгээж болох байсан. Гэвч надад энэ талаар огт мэдэгдээгүй.
- - Намайг цагдаагийн байгууллага, тусгай хүчнийхэн онц ноцтой гэмт хэрэгтэн шиг, террорист шиг баривчилсан
- - Хаанаас ямар шалтгаанаар баривчилж байгаа талаарх асуултанд ганц ч хариулт өгөөгүй. Энэ баривчилгааг эртнээс төлөвлөсөн байсан. Хувь хүний эрхийг ноцтой зөрчлөө.
- - Эрдэнэт үйлдвэрийн 49 хувийн хувьцааны асуудлаар өнгөрсөн оны дундуур надаас нэг л удаа тайлбар авсан.
- - Би сая цагдаагийн байгууллага зөвхөн гэрчийн мэдүүлэг өгсөн. Гэрчийн мэдүүлэг авахын тулд хууль хүчнийнхэн тусгай ажиллагаа явуулах шаардлагагүй.
- - Энэ хугацаанд цагдаа шүүхийн байгууллагын ард нэг хүн байгаа мэтээр сүүлийн үед мэдээдэд цацаж байна.
- - Эрдэнэт үйлдвэрийн 49 хувийн хувьцааг авсан гэх санхүүгийн схем саяхан илж болж байгаа зүйл биш. Хууль шүүхийн байгууллагаар нотлогдчихсон баримт биш.
- - Монголын улс төрд байсан, одоо ч байгаа, цагдаа шүүхийн байгууллагад ажиллаж байгаа, ажиллаж байсан хүмүүсийн ард нэг компани, нэг бүх байгаа мэтээр зохион байгуулалтаар мэдээлэл цацаж байгаад харамсаж байна.
- - Ил болсон гээд байгаа санхүүгийн схем маш их алдаатай, зөрүү мэдээллүүдтэй.
- - Манай банкыг их хэмжээний санхүүжилт олгосон гэж буруутгаж байна. Манайх 29 жилийн хугацаанд хэдэн зуун мянган ААН-д санхүүлжилт олгож ирсэн. Энэ бол манай үндсэн бизнес. Ямар ч хууль зөрчөөгүй.
- - Мөн манай банкыг давуу байдлыг олгосон гэж буруутгаж байна. Манайх хууль журмын дагуу зээл олгосон.
- - Одоогоор ХХБ -ны үйл ажиллагаа хэвийн явагдаж байна.
- - Мэдээлэл өгч байгаа нь хэргийн мөрдөн байцаалтад нөлөөлөх гэж хийж байгаа хэрэг биш. Банкны нэр хүндэд ноцтой халдаж, том цохилтонд орууллаа.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна