Цэцэрлэгийн багш 2 настай хүүхдийг скочоор сандалтай нь хүлжээ
Өвөрхангай аймгийн 1-р цэцэрлэгийн багш нар хүүхдийн эрхийг ноцтой зөрчжээ. Тодруулбал Арвайхээр сумын 1-р цэцэрлэгийн багш Ц, Г нар нь 2 настай хүүхдийг сандал дээр суулган скочоор сандалтай нь хүлж, 30 гаруй минут суулгаж, хүүхдийн эрхийг ноцтой зөрчсөн зөрчил камерийн хяналтаар илэрчээ.
Сандал дээр хүлүүлсэн нялх хүүхэд өмдөндөө баасан, мөн хүлээсээ тайлуулах гэж аргаа баран уйлж, тийчилж байхад хоёр багш тоосон шинжгүй 30 гаруй минут дэргэд нь байгаад байгаа нь мөн камерийн бичлэгт үлджээ.
30 гаруй минут болсоны дараа цэцэрлэгийн арга зүйч орж ирж хүүхдийг сандалаас салгаж авсан ба хэрэв хүн орж ирж аваагүй бол ахиад хичнээн цагаар ингэж суулгах байсныг хэлж таашгүй юм.
Хүүхдийн эрхийг ноцтой зөрчсөн 2 багшийг тус цэцэрлэгийн удирдлагын зүгээс ажлаас халах арга хэмжээ авсан байна.
Эх сурвалж: Өвөрхангайн Мэдээ Сонин
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна