Хунань мужид сурдаг зургаан оюутныг тусгаарлажээ

Админ
2020/02/14

Эрүүл мэндийн яам коронавирусийн халдварын нөхцөл байдал, урьдчилан сэргийлэх асуудлаарх ээлжит мэдээллээ  өглөө.

 

Дорнод, Баян-Өлгий аймгуудад тус бүр нэг, ХӨСҮТ-д хоёр иргэнийг тусгаарлаж, шинжилгээ авчээ. Дээрх тохиолдлууд коронавирусийн халдваргүй болох нь тогтоогдсон бол өчигдөр /2020.02.13/ Бээжин-Улаанбаатарын онгоцоор ирсэн, Хунань мужид сурдаг зургаан оюутныг нэмж тусгаарлажээ. Одоогоор ХӨСҮТ-д нийт найман хүн, Архангай аймагт нэг иргэнийг тусгаарлаад байна.

 

Түүнчлэн БНХАУ-ын Ухань хотоос ирсэн 30 оюутан, нэг хүүхдийг давтан шинжилгээнд хамруулжээ. Шинжилгээгээр коронавирусийн халдвар илрээгүй тул эмч нар хуралдаад, оюутнуудыг маргааш эмнэлгээс гаргахаар шийдвэрлэсэн байна. Учир нь ХӨСҮТ-д тусгаарлах 14 хоногийн хугацаа маргааш дуусаж байгаа юм байна. 

 


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 64.119.22.196
    2020/02/14

    24 honogiin hygatsaatai geed bsan biz dee

    Хариулах