Т
О
В
Ч

Онцлох
Сэдэв
tovch.mn
товч мэдээлнэ

ГАШУУН СУХАЙТЫН БООМТООР НҮҮРСНИЙ ЭКСПОРТ ЭХЭЛЛЭЭ

2020 оны 03 сарын 16

“Эрдэнэс-Тавантолгой” ХК-иас өнөөдөр /2020.03.16/  хэвлэлийн хурал хийж, мэдээлэл өглөө. Дэлхийн хэмжээнд “COVID-19” халдвар дэгдсэнтэй холбогдуулан Улсын онцгой комиссоос гаргасан шийдвэрийн хүрээнд нүүрсний экспорт зогсоод байсан. Ариутгал халдваргүйжүүлэлтийн ажлыг зохион байгуулсны үндсэнд өнөөдрөөс Гашуун сухайтын боомтоор нүүрсний экспорт эхэлснийг “Эрдэнэс-Тавантолгой” ХК-ийн Гүйцэтгэх захирал Б.Ганхуяг мэдээллээ.

 

 

“Эрдэнэс-Тавантолгой” ХК энэ жил анх удаа ногдол ашиг олгохоор шийдвэрлэсэн. Хувьцаа эзэмшигч иргэдэд мэдээлэл хүргэх, хувьцааны данс шалгах, данс нээх үйлчилгээг цахимаар авах боломжийг бүрдүүлэн ажиллаж байгаа ч “1072 Хувьцаа мэдээллийн төв”-д хандаж буй иргэдийн тоо их хэвээр байна. 2020 оны 03 дугаар сарын 02-ноос 03 дугаар сарын 16-ны хооронд мэдээллийн төвийн байранд 825 иргэн биеэр ирж мэдээлэл, зөвлөгөө авсан бол 1800-1072 тусгай дугаартай лавлах утсаар 4050 хүн холбогджээ. Ингэснээр мэдээллийн төв нээгдсэнээс хойш давхардсан тоогоор нийт 28’152 иргэн биечлэн ирж үйлчилгээ авч, 1800-1072 лавлах утсаар 63’512  иргэн мэдээлэл, зөвлөгөө аваад байна. Мөн өнгөрсөн долоо хоногт “1072 Хувьцаа мэдээллийн төв” нэртэй фэйсбүүк хуудсыг давхардсан тоогоор 20 мянга орчим хүн үзэж, мэдээлэл авсан байна.

 

Ногдол ашигтай холбоотойгоор иргэдээс ирж буй түгээмэл асуултын хариулт:

 

Ногдол ашгийг 2020 оны 5 дугаар сарын 01-ний өдрөөс хойш холбогдох хууль тогтоомжид нийцүүлэн олгоно. Ногдол ашгийг тухайн иргэний банкны идэвхитэй дансанд нь шилжүүлэн олгоно. Ингэхдээ иргэн өөрийн хувьцааны данс нээлгэсэн брокерийн компанидаа хандаж хүсэлтээ гаргаж, өөрийн ногдол ашиг авах банкны дансаа баталгаажуулан бүртгүүлнэ. Энэ бүртгүүлсэн дансанд ногдол ашиг 2020 оны 5 дугаар сарын 1-нээс хойш орно.

 

“Эрдэнэс-Тавантолгой” ХК-ийн 1072 хувьцаа дотоодын хөрөнгийн бирж дээр нээлттэй болсны дараа Санхүүгийн зохицуулах хорооны “Үнэт цаасаар гэрчлэгдсэн өмчлөх эрхийг бусдад бэлэглэх, өвлүүлэх тухай шинэчилсэн журам”-ын дагуу өвлөх, бэлэглэх эрх нээгдэнэ.

 

Өв залгамжлах эрхийн гэрчил­гээгээр үнэт цаасыг шилжүүлэх Харилцагч нь төвлөрсөн хадгаламж дахь дансны  хөрөнгийг өв залгамжлалаар хүлээн авах тохиолдолд өв залгамжлах эрхийн гэрчилгээ, өв залгамжлагчийн иргэний үнэмлэх, түүнтэй адилтгах баримт бичиг, нас барсан хүний нас барсны гэрчилгээ, өв хүлээн авагчийн өргөдөл, гүйлгээний шимтгэл төлсөн баримт зэргийг үндэслэн өвлөн авна.

 

Ногдол ашигтай холбоотой мэдээллийг дараах 5 эх сурвалжаас аваарай:
www.ett.mn вэб сайт
“1072 хувьцаа мэдээллийн төв” фэйсбүүк хуудас,
1800-1072 тусгай дугаар /энгийн утасны тарифаар/
 ЕТТ аппликейшн
158989 мессеж дугаар

Сэтгэгдэл бичих

Сэтгэгдэл

  • Brokeriin kompani chin ariljaanii dansaa batalgaajuulah feed ochihoor boloogyi feed bh yumaa. Argai Best gesen kompani ene bol hudlaa uls torjilt feed bhiin. 11313324 gesen Utasnii dugaartai.

  • Танай компани сайн ажиллаж байгаа. Та бүхэнд амжилт хүсье. Харин энэ улс төржүүлээд байгаа нөхдүүдээс жаахан хол байлгах юмсан. Энэ эрчээрэй ногдол ашгаа хүртээд явмаар байна

  • Цэцгэнд дуртай бол түүнийг битгий тасла гэдэгдээ, мөнгөнд дуртай бол эх үүсвэрээ битгий улс төржүүл. Тавантолгой улс төрчдийн дураараа оролддог тоглоом битгий байсгаасай. Улс төрчид биш яг уурхайд нь ажиллаж байгаа хүмүүс нь шийдвэрээ гаргаад хөгжүүлээд яваасай.

  • Монголд бөхчүүд, бизнесмэнүүд нь улс төрд ороод нөгөө эдийн засгаа дураараа самардаг болхоор олигтой хөгжиж өгөхгүй байна. Оройтоогүй дээр нь одоо ч гэсэн хүн бүр чаддаг, мэддэг юмаа хийгээд, хөгжүүлээд явах хэрэгтэй. Тавантолгойг улс төрийн золиос болгохоо зогсоох хэрэгтэй.

  • сонирхолтой

  • Мэргэжлийн хүмүүс нь ажлаа хийгээд орлогоо олоод явахад ногдол ашиг бол байнга тараах байлгүйдээ.

  • БНХАУ-ын үйлдвэрүүд зогсоод ихээхэн уналтанд орлоо одоо хориг тавигдаад эхэлсэн болхоор түүхий эдийн ихээхэн эрэлт бий болж таараа, одоо л экспортлоод байх хэрэгтэй. Амжилт

  • Ашгүйдээ, Трамп бодлогын хүүгээ 0.25 болголоо долларын ханш жаахан ч гэсэн сулрах нь тодорхой

  • Уурхайчид маань эрүүл мэндээ сайн бодоорой, жолооч тээвэрчид маань биеээ бодоорой маскаа тогтмол зүүгээрэй.

  • Tawantolgoin xamt olond ajliin ondor amjilt xvsye