Т
О
В
Ч

Онцлох
Сэдэв
tovch.mn
товч мэдээлнэ

ЗГ: Зургаан сарын хугацаанд зээлийн ангилалд өөрчлөлт орохгүй

2020 оны 03 сарын 18

Санхүүгийн тогтвортой байдлын  зөвлөл хуралджээ. Уг хурлын шийдвэрийн талаар Монголбанкны Ерөнхийлөгч Б.Лхагвасүрэн дараах мэдээллийг хийлээ. 


-    Банкны харилцагчид, зээл авсан иргэд, ААН-үүд гээд 1000 гаруй иргэд, 1,5 их наяд төгрөгийн зээлтэй холбоотой асуудлаар хандсан. 


-    Өндөржүүлсэн бэлэн байдлыг өнгөрсөн 1 дүгээр сарын сүүлээр зарласан. Энэ үеэс эдийн засагт тодорхой хэмээнд хүндрэл гарч эхэлсэн. Бүх судалгаа хийгдэж байна. Эхний ээлжид зарчмын шийдвэр гарч байна.


-    Нийт зээлийн 90 гаруй хувь нь хэрэглээний зээл байна. Тиймээс 90 хоногийн хугацаанд үндсэн өр, зээлийн хүүг төлөхгүй байхаар хойшлуулж байна. 


-    Ипотекийн зээл гээд тодорхой хугацаандаа баригдсан  зээлийн хугацаа сунгагдана гэсэн үг.


-    Зээл бол гэрээгээр зохицуулагддаг. ААН-үүдийн хувьд гэрээнийхээ хугацаа нь дээр бүтцийн өөрчлөлт оруулах боломжтой. Үүнийг албан ёсоор журмаар зохицуулсан.


-    Хэрэглээний зээлд ангилал буурах эрсдэл байдаг. Энэ хугацаанд санхүүгийн сахилга батаа алдсан гэдэг утгаар ангилал буурахгүй.


-    Өндөржүүлсэн бэлэн байдал зарласнаас хойшхи 6 сарын хугацаанд ямар ч ангилалд өөрчлөлт оруулахгүй.

 

- Гурван сар буюу 90 хоногийн хугацаанд зээл төлөөгүйгээс үүсэх алданги тооцогдохгүй. 

 

Санхүүгийн зохицуулах хорооны Д.Баярсайхан:


-    Банк бус санхүүгийн байгууллага, хадгамж зээлийн хоршоо системийн нийт зээл ийн 7,4 хувь дээр ажиллаж байна. 



-    ББСБ-аас авсан зээл дээр 120 хоногийн дотор ангилал буурахгүй.

 

- ББСБ, ХЗХ зээлийн эргэн төлөлтийн хуваарьт хоёроос дээш удаа өөрчлөлт оруулбал зээлийн ангилал нь буурдаг байсан. Үүнийг бууруулахгүй байхаар зохицуулж байна. 


-    Зээлийн өөрчлөлт дээр ангилал бууруулахгүй. 

 

Хэрэглээний зээлэнд: ЦАЛИН, ТЭТГЭВЭР, ИПОТЕК, МАЛЧИН, ЛИЗИНГ -ийн зээлүүд хамрах юм.

Сэтгэгдэл бичих

Сэтгэгдэл