Т
О
В
Ч

Онцлох
Сэдэв
tovch.mn
товч мэдээлнэ

Хэнтийн нөхөн сонгуульд нэр дэвшигчид тодорч эхэллээ

2019 оны 05 сарын 24

УИХ-ын 42 дугаар тойрог буюу Хэнтийн нөхөн сонгуульд өрсөлдөх намууд нэр дэвшигчээ зарлаж эхэллээ. МАХН-аас намын дарга Н.Энхбаярыг нэр дэвшүүлэхээ өнөөдөр албан ёсоор зарлалаа. Харин МАН-ынхан  энэ сарын 28-нд хуралдах Бага хурлаараа  албан ёсоор нэр дэвшигчээ тодруулна.  Хоёр хоногийн өмнө хуралдсан МАН-ын Удирдах зөвлөлөөс Бага хурлыг энэ сарын 28 буюу ирэх мягмар гаригт хуралдуулахаар товлосон. Энэ хурлаар УИХ-ын 42 дугаар тойрог буюу Хэнтийн нөхөн сонгуульд нэр дэвшигчийг тодруулна. Урьдчилсан байдлаар хэд хэдэн хүний нэр яригдаж байгаа ч нэг хүн дээр тогтжээ. Учир нь МАН-ын Ерөнхий нарийн бичгийн дарга Д.Амарсайхан Удирдах зөвлөлийн хурал дээр Хэнтий аймгийн 42 дугаар тойрогт явуулсан тандалт судалгааныхаа дүнг танилцуулжээ. Энэ судалгаагаар МАН-ын дарга, Ерөнхий сайд У.Хүрэлсүх нэр дэвшихээр горьлогсдоос хамгийн өндөр рейтингтэй яваа аж. Тиймээс Удирдах зөвлөлөөс намын Бага хуралд У.Хүрэлсүхийг УИХ-ын 42 дугаар тойрогт нэр дэвшүүлэх санал оруулах мэдээллийг ойрын эх сурвалж мэдээллээ.

Сэтгэгдэл бичих

Сэтгэгдэл

  • Аль нь ч хэрэггүй ш дээ,Хүрэлсүх нэр дэвшиж явахаар,мах,бензиний үнээ зогсоож,ажлаа хийвэл яасан юм бэ? Хоорондоо өрсөлдөж,арцалдах дуртай хүмүүс сонгуульд дуртай юмуу,хаашаа юм бэ????