АН яг одоо 4/11 мэдээллийн цагаараа Монгол Улсын 2026 оны төсвийн тодотголын талаар сэтгүүлчдэд мэдээлэл өглөө.

Ерөнхий сайд захаар яваад “Ард түмэндээ мөнгө өгөх гэсэн чинь АН харамлаад байна” гэж яриад яваа. Үнэндээ бол АН ард түмний мөнгийг засгаас хамгаалж байна. Засаг ард түмний мөнгийг яаж үрэн тарах хийх гэж байна вэ?

“Оюутолгой” болон бусад компаниас орж ирэх мөнгийг Хуримтлалын санд хуримтлуулах ёстой. Иргэн бүрийн нэр дээр 835 мянган төгрөг хадгалаад, ирээдүйд орон сууц, эрүүл мэндэд нь зарцуулах байтал ЗГ “Би одоо энэ мөнгийг зарцуулъя. Авлигачдын газар салаагаар урсгасан төсвийг нөхье” гэж байгааг эсэргүүцэж байна.

2026 оны эхэнд багш, эмч нарын цалинг нэмсэн. Үлдсэн төрийн албан хаагчдын цалинг нэмэхийн тулд тодотгол хийх гэж байгаа гэж яриад байгаа. Үнэндээ 2026 оны төсвийн тодотголд тэтгэвэр нэмэхэд 200 хүрэхгүй тэрбум төгрөг төлөвлөсөн. Цалин, тэтгэвэр 1 төгрөгөөр нэмээд, дарга нар төсвөө 5 төгрөгөөр нэмэх гэж байна. Дарга нарын энэ 5 төгрөгөөс болоод инфляц өснө. Тиймээс таван төгрөгөө танаач гэж байгаа юм.

АН-ын эдийн засгийн бодлогын зөвлөх, эдийн засагч А.Батпүрэв: 2026 оны төсвийн тодотгол, 2027 оны төсвөөр нийтдээ Засгийн газрын 21 их наяд төгрөгийн нэмэлт өр бий болгох юм. Өөрөөр хэлбэл, монгол хүн бүр 6 сая төгрөгийн өрийг шинээр бий болгох гэж байгааг намын зүгээс эсэргүүцэж байна.