Айлын хаваржаанаас нэлээд эртний гар гранат олджээ. Тодруулбал, Ховд аймгийн Булган сумын Байтаг багийн “Харгант” гэдэг газар /сумын төвөөс баруун зүгт 96 км-т/ тус сумын иргэн С-ийн хаваржаанаас 1930-аад оны үеийн РГД-5 загварын гар гранат олдсон байна. Энэ тухай дуудлагыг тухайн өдрийн 11:42 цагт хүлээн авч тус сум дахь Онцгой байдлын хэлтсийн хоёр алба хаагч, цагдаагийн хэлтсийн хоёр алба хаагч, нэг техник хэрэгсэлтэйгээр 12:50 цагт очиж аюулгүй болгож, цагдаагийн байгууллагад хүлээлгэн өгчээ.