“Эрдэнэт”-ийн 49 хувийг ОХУ-аас худалдаж авахдаа “Монголын зэс” компанийг хууль бус арга хэрэглэсэн хэргийг АТГ, ЭЦА-ны Эдийн засгийн гэмт хэрэгтэй тэмцэх газраас томилон шалгаж буй. Тэгвэл уг асуудлаар Ерөнхий прокурорын тушаалаар АТГ-ынхан Ерөнхий сайд асан Ч.Сайханбилэгээс дахин тайлбар, мэдүүлэг авчээ. Тэрбээр “Эрдэнэт” үйлдвэрийн 49 хувийг ОХУ-ын “Ростех” компаниас худалдан авсан тал хууль зөрчөөгүй хэмээн мэдэгдсээр байгаа билээ.