Ганга нууранд 300 орчим хун чуулж байна
Админ
2019/10/17
Жил бүрийн намар Дарьганга суманд хун шувууд чуулж, тэндээсээ дулаан орныг зорьдог. Одоогоор Ганга нууранд 300 орчим хун цуглаад байгаа талаар сумын ЗДТГ-ын Байгаль орчны хяналтын улсын байцаагч мэдээллээ.
Өнгөрсөн жил 1000 орчим хун шувуу Дуут нууранд чуулж байсан бол энэ жил тэд Ганга нууранд цуглаж байгаа ажээ. Энэ нь нуурын ус нэмэгдэж буйтай холбоотой. Өнгөрсөн долоо хоногоос эхлэн цугларсан хун шувууд арван сарын сүүл хүртэл чуулаад намрыг үдэн, дулаан орноо зорино.
Хунгийн чуулганыг үзэн нүд баясгаж, сэтгэлээ сэргээхээр зорих хүн олон. Өдгөө ч хэдийн газар газрын хүмүүс Дарьгангыг зориод эхэлжээ. Өдрөөс өдөрт хунгийн тоо нэмэгдсээр байгаа аж.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна