Ерөнхийлөгч У.Хүрэлсүх ОХУ-ын нэрт дуучин Н.Расторгуевт гарын бэлгийг илгээжээ
Ерөнхийлөгч У.Хүрэлсүх ОХУ-ын нэрт дуучин Н.Расторгуевт гарын бэлгийг илгээжээ. Монгол Улсаас ОХУ-д суугаа ЭСЯ-ны Элчин зөвлөх Д.Өнөбилэгт 2024 оны 04 дүгээр сарын 19-ний өдөр ЭСЯ-ны Төв байранд Оросын “Любэ” хамтлагийн ахлагч Н.В.Расторгуевыг хүлээн авч уулзжээ.
Уулзалтын эхэнд Элчин зөвлөх Д.Өнөбилэгт “Любэ” хамтлагийн ахлагч Н.В.Расторгуевыг цаг зав гарган ЭСЯ-нд хүрэлцэн ирсэн явдалд талархал илэрхийлээд, тус хамтлагийн 2017 онд манай улсад хийсэн аялан тоглолтын талаар халуун дотно яриа өрнүүлсэн байна.
Мөн энэ онд тохиож буй “Любэ” хамтлаг үүсгэн байгуулагдсаны 35 жилийн ойг тохиолдуулан Монгол Улсын Ерөнхийлөгч У.Хүрэлсүхээс ирүүлсэн гарын бэлгийг эрхэм дуучинд гардуулан өгсөн байна.
Монгол Улсын Ерөнхийлөгчийн гарын бэлгийг тус ЭСЯ-ны ёслол хүндэтгэлийн өргөөнд өргөн барьсны дараа “Любэ” хамтлагийн гоцлол дуучин Н.В.Расторгуев Ерөнхийлөгч У.Хүрэлсүхэд хариу талархал илэрхийлээд, боломжтой цагтаа Монгол оронд хүрэлцэн очиж, үзэгч хөгжөөн дэмжигчидтэйгээ дахин учрах бодолтой байгаагаа уламжилжээ.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна