УИХ-ын гишүүд Их тэнгэрт найрлажээ
Долоо хоног бүрийн пүрэв, баасан гарагуудад УИХ-ын чуулганы нэгдсэн хуралдаан явагддаг.
Өнөөдрийн УИХ-ын чуулганын нэгдсэн хуралдаанаар “Хүүхдийн мөнгөн тэтгэмжийн талаар авах зарим арга хэмжээний тухай” Улсын Их Хурлын тогтоолын төсөл /эцсийн хэлэлцүүлэг/; “Монгол Улсын 2020 оны төсвийн тухай хууль баталсантай холбогдуулан авах зарим арга хэмжээний тухай” Улсын Их Хурлын тогтоолын төсөл /эцсийн хэлэлцүүлэг/ хэлэлцэхээс гадна Монголбанкны Ерөнхийлөгчийг чөлөөлөх тухай асуудал, Санхүүгийн зохицуулах хорооны даргыг чөлөөлөх тухай асуудлыг хэлэлцэж, Ерөнхий сайдын мэдээлэл сонсох байсан.
Гэвч өнөөдөр УИХ-ын чуулган хуралдсангүй. Төрийн ордонд ч УИХ-ын гишүүд байхгүй, эл хуль байна. Учир нь УИХ-ын өчигдрийн хуралдаанаар Үндсэн хуулийн нэмэлт өөрчлөлтийг хийж баталсан. Үүнтэй холбогдуулан УИХ-ын гишүүд Их тэнгэрийн аманд найрласан гэх эх сурвалжийн мэдээлэл байна.
Энэ удаагийн Улсын Их Хурал ҮХНӨ-ийг 3 жилийн турш өрнүүлж, 5 сарын турш тасралтгүй хэлэлцэж, баталсан. Өөрөөр хэлбэл Үндсэн хуульд 19 жилийн дараа өөрчлөлт оруулсан. УИХ-ын гишүүд уг тэмдэглэлт үйл явдлыг Их тэнгэр нэлээд өргөн хүрээнд тэмдэглэжээ. УИХ-д суудалтай намуудын удирдлагууд болон гишүүд оролцсон байна.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна