JCI Монгол байгууллага 2 хоногт 30 сая төгрөгийн хандив цуглуулжээ
Үерийн гамшиг болсон Баянзүрх дүүрэгт иргэд эрүүл мэнд, эд хөрөнгөөрөө хохирч, хүнд нөхцөл байдал үүсээд байна. Иймд 21 дүгээр хорооны нутаг 127 дугаар сургуулийг түр байр болгож хоол хүнс, халуун цай, цэвэр ус, хөнжил гудас, хувцас зэрэг шаардлагатай бүх зүйлийг бэлдээд байгаа юм. Энд үерт хохирсон иргэдэд тусалж байна.
Гамшигт нэрвэгдсэн иргэдэд аж ахуйн нэгж, төрийн бус байгууллагууд болон иргэд тусламжийн гараа сунгаж хандивын аян өрнүүлж эхэлжээ. Тэдний нэг нь JCI Монгол байгууллага. Олон улсын залуучуудын төлөөлөл болсон энэ байгууллагын хамт олон богино хугацаанд 30 сая гаруй төгрөг, хүнс, бараа бүтээгдэхүүний хандив цуглуулсныг өнөөдөр хүлээлгэн өглөө.
БОГИНО ХУГАЦААНД ХАНДИВ ЦУГЛУУЛЖ ХҮЛЭЭЛГЭН ӨГЧ БАЙГААДАА БАЯРТАЙ БАЙНА
JCI Монгол ТББ-ын 2023 оны үндэсний ерөнхийлөгч С.МӨНХДЭЛГЭР:
-JCI Монгол байгууллага нь 18-40 насны бизнес эрхлэгч залуусын байгууллага. 1300 гишүүн 17 салбартай. Нийт 1000 гаруй гишүүн тусламжийн аянд оролцож салбаруудад уриалга гаргалаа.
Бид 30 орчим сая төгрөгийн бэлэн мөнгө, ус, хүнс болон бараа бүтээгдэхүүнийг цуглуулж чадлаа. Нэн түрүүнд хэрэгцээтэй цэвэр ус, хүнс, эмийн бүтээгдэхүүн болон хичээлийн хэрэгсэл, айлуудад сандал, ширээ, аяны хөнжил, мишок зэргийг бэлдсэн.
Байгалийн гамшиг хэлж ирдэггүй. Тиймдээ ч JCI Монгол байгууллагын гишүүд нийгмийн хариуцлагын хүрээнд хандив гардуулж өгч байгаад маш баяртай байна. Иргэдэд үер усны аюулаас болгоомжлоорой. Мөн Нийслэлийн онцгой комиссын хамт олон амжилт хүсье гэлээ.
РӨГ ХАНДИВЛАЖЭЭ
JCI Монгол ТББ нь дэлхийн 115 улсад үйл ажиллагаа явуулдаг байна. Олон орны бизнес эрхлэгч залуус нэгдсэнээрээ ялгардаг энэхүү байгууллагад гишүүн аж ахуйн нэгж, бизнес эрхлэгчид хандив өргөжээ.
Тухайлбал, хүнсний манлай үйлдвэрлэгч АПУ ХХК цэвэр ус, Emart сүлжээ дэлгүүр хүнсний бүтээгдэхүүн зэргийг хандивласан байна.
Мөн гишүүн орнууд болох Хонгконг, Вьетнам, Сингапур, Франц зэрэг 5 улсаас нийт 10 гаруй сая төгрөгийн тусламж үзүүлсэн аж.
Тэдний төлөөлөл Хонгконг улсаас "Бид бүхэн хэвлэл мэдээллийн хэрэгслээр Монголд болсон үерийн мэдээг үзэж санаа зовсон. Хонгконг улс JCI байгууллагын гишүүн орон байдагт баяртай байна. JCI бол маш идэвхтэй, хүсэл эрмэлзэлтэй залуусын байгууллага. Тиймээс ч энэ цаг үед богино хугацаанд нэгдэж тусламж дэмжлэг үзүүлж байгаад баяртай байна" гэсэн юм.
ХҮҮХДҮҮДИЙГ БАЯРЛУУЛАХААР ХЭРЭГЦЭЭТЭЙ ТУСЛАМЖ БОЛЛОО ГЭВ
Дээрх хандивыг Баянзүрх дүүргийн Улаанзагалмайн хороонд хүлээлгэн өгсөн билээ. Тус хорооны аргазүйч А.Соёлоо хэлэхдээ “Байгалийн гамшиг ямар аймшигтай болохыг бүгд л харж байгаа байх. Ялангуяа Баянзүрх дүүргийн 20, 21, 29, 27 дугаар хорооны маш олон өрх нэрвэгдсэн.
Бидэнд иргэд, төрийн бус байгууллага, олон улсын байгууллага хандаж сэтгэлийн тус дэм өгсөөр байна. Үүний нэг нь JCI Монгол олон улсын байгууллага маш хэрэгцээтэй хандив гардуулж өглөө.
Өмнө нь биднээс хэрэгцээтэй зүйлсийг асууж байсан. Гэтэл хоёр хоногийн дараа л тусламж өглөө. Ялангуяа есдүгээр сар дөхөж байна, үерт автсан айлуудын хүүхдүүд өмссөн хувцастайгаа л үлдсэн. Ийм үед хичээлийн хэрэгсэл хандивлаж байгаа нь олон хүүхдийг баярлуулах байх” гэлээ.
JCI Монгол ТББ нь 200 хүүхдийн хичээлийн хэрэгсэл, 250 орчим шинэ хувцас, 50 ширхэг аяны дулаан хөнжил мишок, гэдэсний эм болон хүүхдүүдэд зориулсан витамин, цэвэр ус, хөнжил гудас зэргийг ийнхүү хоёр хоногт цуглуулж тусламж үзүүлсэн нь энэ юм.
Сэтгэгдэл (2)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.89.93
АН намынхаа байгуулсан ардчилсан эрх чөлөөт нийгэмд хаана амьдрах, хаана буухаа муу комунистуудаар заалгахгүй, гэж даналзаж байгаад УБ-т бүгдээрээ цуглаваа, тэгээд түгжрэв, мөн гуу жалгадаа бууна уу, эрэг гангандаа бууна уу эрх чөлөөгөө эдлэнээ, муусайн коммунистуудад падгүй гээд хавьтуулахгүй байдаг байсан, одоо тэгэхээр АН намынхан энэ лайгаа өөрсдөө үүрэх хэрэгтэй
Хариулах202.55.188.104
үнэн Батүүл хот руу ороход төлдөг татвар устгасан тэгээд гол нь нүүж орж ирсэн айлуудад суурьшлын газар зөв зааж өгөөгүй нөгөөдүүл нь уулын оройд бууж хотыг утаад угаартуулаад жалганд бууж урсаад маниусын татварын мөнгөөр наргиж өгч байна даа.