LIVE: Энхтайваны өргөн чөлөө, Чингисийн өргөн чөлөө, Нарны замд засварын ажил хийгдэж байна

Админ
2021/04/13

Улаанбаатар хотод хийгдэж буй автозамын бүтээн байгуулалт засварын ажилтай холбоотой тодруулж байна...


2021 онд Нийслэл хотын Авто замын засвар, арчлалтын ажлын хүрээнд хотын 175 гудамж зам болон орон сууцны хороолол доторх авто замд 65.000 м2 нүхэн эвдрэл, хотын 32 гудамж замд 300.000 у/м заадас, 65 359,47 м2 тэмдэглэгээ болон авто замын тэмдэг, хайс арчлалт, гүүр, хоолой, туннель засварын ажлууд хийгдэхээр төлөвлөгдсөн.

Нийслэл хотын авто замын хөдөлгөөний ачаалал ихтэй хотын гол гудамж замуудад бүх нийтийн өндөржүүлсэн бэлэн байдал зарласан өдрүүдэд засвар арчлалтын ажлыг шуурхай зохион байгуулах үүргийг Нийслэлийн Засаг дарга бөгөөд Улаанбаатар хотын захирагч Д.Сумьяабазар өгсний дагуу Нийслэлийн Авто замын хөгжлийн газар, Улаанбаатар зам засвар, арчлалтын газар ОНӨААТҮГ нийслэлийн 10 байршилд авто замын тэмдэг, хайс арчлалт, авто замын заадас засварлах ажлуудыг 10 бригад, 140 гаруй инженер техникийн ажилтан, албан хаагч хөдөлмөрийн аюулгүй байдал коронавирусийн зөвлөмжийг баримтлан эхлүүлээд байна.



Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.