"Арбидол" эмийн үнэд хяналт, шалгалт хийж байна

Админ
2021/06/16

Ковид-19-ийн эмчилгээнд вирусийн эсрэг "Арбидол" эм хэрэглэж байгаа тухай олон нийтийн сүлжээнд тархсан. Мөн сүүлийн үед халдвар авах хүний тоо ихэссэнтэй холбоотой уг эмийн эрэлт ихсэж, үнэ хөөрөгдөж, дамлан худалдаалж байгаа тухай хэрэглэгчдээс гомдол ирүүлсэн.

Уг мэдээллийн дагуу эм ханган нийлүүлэх үйлдвэр болон эмийн сангуудад “Эм, эмнэлгийн хэрэгслийн хяналт, зохицуулалтын газар”- тай хамтарсан хяналт, шалгалтыг 2021 оны зургадугаар 15-ны өдөр эхлүүлээд байна.

Хяналт, шалгалтын зорилго нь коронавируст цар тахлын эмчилгээний удирдамжид багтсан вирусийн эсрэг эмийн зах зээл дэх үнэд хяналт, шалгалт  хийх юм.  Мөн  вирусийн эсрэг эмийн ширхгийн болон багцын үнэд хяналт, шалгалт хийж, илэрсэн зөрчлүүдэд арга хэмжээ авч ажиллана.  

Түүнчлэн ковид-19 халдварын үед яаралтай горимоор импортлох нэг удаагийн зөвшөөрөлтэй бусад эмийн үнийг олон нийтэд ил тод мэдээлнэ гэж ШӨХТГ-аас мэдээллээ.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.161.22
    2021/06/16

    Хахууль аваад өнгөрнө

    Хариулах
  • 202.21.109.5
    2021/06/16

    uneheer sanhuugin sahilga bat gej algaa.bidni ued sanhuu bankind ajillah hunig mash undur shalguurtai avdag baijdee

    Хариулах