УИХ-ын чуулган хуралдаж байна. Хуралдаанаар Коронавируст халдвар (КОВИД-19)-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг (Засгийн газар өргөн мэдүүлсэн) хэлэлцэх эсэхийг хэлэлцсэн. Энэ үеэр гишүүд шатахууны үнийн тал дээр яам ямар бодлого баримталж байгаа талаар лавлахад Уул уурхай, хүнд үйлдвэрийн сайд Г.Ёндон " Шатахууны импортлогчид нэг, хоёрдугаар сараас  хойш алдагдалтай ажиллаж байгаа. Тэдэнтэй вакцинжуулалтын хэмжээ 60 хувьд хүртэл үнийг барих хэлцэл хийж ирсэн. Одоогоор сар бүр алдагдал тооцоод явж байгаа. Вакцинжуулалт дуусаад, эдийн засаг сэргээд ирэхэд шатахууны үнийг аажмаар нэмэгдэнэ. Одоо бол вакцинжуулалт дууссан тул шатахууны үнэ тодорхой хэмжээгээр зах зээлээ дагаад нэмэгдэх ёстой гэжээ.