#ШУУД Өнөөдрөөс 12-15 насны хүүхдийг вакцинжуулж эхэллээ. Гэвч дархлаажуулах цэг хомсдолтой, оочер дараалал их байна.

Иргэд:

- Би өглөө 10 цагт 15 настай хүүдээ вакцин тариулахаар ирсэн. Гэвч 3,4 цаг оочерлож байгаа ч одоог хүртэл вакцинаа тариулж чадаагүй байна. Энд зарим гэр бүл бөөнөөрөө ирж байна. Бага насны хүүхэдтэй эцэг, эх цөөнгүй харагдаж байна. Саяхан энд ямар ч зохион байгуулалтгүй байсан. Харин цагдаа нар ирж, хүмүүсээ тараагаад зайг нь бариуллаа. Энд бараг 1000 гаруй хүн байна. 5 цагийн дараа бид вакцинаа тариулж чадах нь уу. Үнэхээр хэлж мэдэхгүй байна. 

- Ирээд 2 цаг зогсож байна. Уг нь амархан зохицуулчих боломжтой л харагдах юм. Гэтэл нэг дүүргийн 10 нь хорооны иргэдийг нэг дор цуглуулчих юм. Хүн хүч нь хүрэлцэхгүй байгааг ойлгож байна. Гэхдээ өрхийн эмнэлэг дээр нь эсвэл гадаанаа майхан, асарт хийгээд л явчих юмыг их л хүндрүүлж байгаа харагдаад байна. Зохион байгуулалтын хувьд үнэхээр дутмаг байна. Нэг хүүхдийг дагаж нэг, хоёр хүүхдийг дагаж 4 хүн ирж байна шүү дээ. 

- Вакцины хувьд Файзер Монголд хийгдэж байгаа хамгийн сайн вакцин гэж бодож байгаа учраас хүүхэддээ хийлгэхээр ирлээ. Энд зохион байгуулалт үнэхээр алга. Халдвар хамгааллын дэглэм алдагдсан байна.