Токиогийн олимпийн наадмын эрэгтэйчүүдийн 125 кг-ын жинд ОУХМ Мөнхтөрийн Лхагвагэрэл тавдугаар байрт оров. Тэрбээр хүрэл медалийн төлөөх барилдаанд "Рио-2016" олимпийн наадам болон дэлхийн хошой аварга,  Европын найман удаагийн аварга, Туркийн алдарт бөх Таха Ахгультай хүч үзэж 0:5-аар ялагдлаа. Монголын эрэгтэй хүнд жинг олон жил авч явах түүний хувьд олимпийн наадмын медалийн төлөө барилдана гэдэг сайхан юм даа. Бэлтгэл сургуулилтаа улам сайн хийж дутуугаа гүйцээх өдөр удахгүй ирнэ ээ.