"Нур-Султан-2019" ДАШТ-ий хүрэл медальт ОУХМ Бат-Очирын Болортуяа Токиогийн дэвжээнд 53 кг-ын жингийн хүрэл медалийн төлөөх барилдаанд Камеруны Тиако Эссомбег оноогоор цэвэр (14:4) ялснаар олимп, дэлхийн хос медальтан гэж зарлуулахаар боллоо. Б.Болортуяа Монголын чөлөөт бөхийн тамирчдаас зуны олимпийн наадмаас 10 дахь медальтан болж байна. Түүнчлэн эмэгтэй бөхчүүдээс олимпийн их наадмаас хоёр дахь медалийг есөн жилийн дараа эх орондоо авчирлаа.