Тогтоол усанд хүүхэд осолдсон харамсалтай хэрэг гарчээ. Тодруулбал, Сэлэнгэ аймгийн Хүдэр сумын Баянцагаан багийн “Жалга” гэдэг газар /аймгийн төвөөс зүүн урд зүгт 186 км, сумын төвөөс зүүн урд зүгт 18 км/-т хүүхэд тогтоол усанд осолдсон тухай дуудлагыг Онцгой байдлын байгууллага 8 дугаар сарын 30-ны өдрийн 13:35 цагт хүлээн авчээ.  Тус аймгийн Онцгой байдлын газрын Эрэн хайх, аврах ангийн алба хаагчид 18 км замыг туулан очиж 2 удаагийн шумбалт хийжээ. Улмаар эргээс 13 метр зайтай, 3.2 метрийн гүнээс 18:54 цагт иргэн Т /12 настай, эрэгтэй/-ийн цогцсыг гарган аймгийн Цагдаагийн мөрдөн байцаах тасгийн мөрдөгчид шилжүүлэн өгсөн. байна.