Зургаахан настай Монгол охин Европчуудыг уран гулгалтаараа гайхшруулж байсан нь саяхан. Жил ирэх бүр амжилт, ур чадвар нь ахиж байгаа О.Ивээл өдгөө дэлхийн шилдгүүдтэй өрсөлдөх хэмжээний тамирчин болжээ. Эх орноо төлөөлөн олимпод оролцох эрхийн оноо багцлах тэмцээнүүдэд оролцож эхэлсэн нь үүнийг нотолно. Уран гулгалтын төрлөөр Монгол улсынхаа нэрийг өндөрт өргөж яваа О.Ивээл эх орондоо иржээ.  Манай улсад дэлхийн стандартад нийцсэн иж бүрэн цогцолбор "Мөсөн өргөө" спортын ордон өнөөдөр нээлтээ хийж байна. Тус нээлтэд О.Ивээл оролцож, өөрийн үзүүлбэрээ толилуулсан байна.