Л.Энх-Амгалан: 2 болон 3 настай хүүхдүүдийг цэцэрлэгт хамруулах боломж бүрдэж байна

Б.Ариунзаяа
2021/10/19

Ковидын нөхцөл байдлын улмаас 2 болон 3 настай хүүхдүүд цэцэрлэгт хамрагдаж чадаагүй.  Тэгвэл хүүхдүүдийн дунд бүртгэгдэх халдварын түвшин буурч байгаа  учир ирэх 11 дүгээр сарын 1-нээс дээрх настнуудыг цэцэрлэгт хамруулах боломж бүрдэж байгаа талаар БШУ-ны сайд Л.Энх-Амгалан мэдээллээ.

Л.Энх-Амгалан: 

- Одоогийн үйлчилж байгаа хуулиар 2,3,4,5 настнууд бол цэцэрлэгийн насных. Өнгөрсөн 9 дүгээр сарын нэгэнд  нийт халдвар авсан хүмүүсийн 20 хувь нь хүүхэд байсан учир 2,3 настнуудыг цэцэрлэгт хамруулаагүй. Харин одоо хүүхдүүдийн халдвар буурч 18 хувь болсон байна.  Өнгөрсөн хугацаанд 0-18 насны хүүхдүүдийн 90 хувь нь томуугийн вакцинд хамрагдсан. Энэ нь халдвар буурах нөхцөлийг бүрдүүлсэн байх талтай. Тиймээс УОК-оос тун удахгүй эрсдэлийн үнэлгээ хийх гэж байна. Хэрэв үнэлгээгээр эрсдэлгүй гэж дүгнэвэл ирэх 11 дүгээр сарын 1-нээс 2 болон 3 настнуудыг цэцэрлэгт хамруулах боломж бүрдэнэ.  Боловсролын багц хуульд 2 настнуудыг цэцэрлэгт хамруулахгүй байхаар заасан. Учир нь жилд 40 орчим мянган 2 настан намар  цэцэрлэгт хамрагддаг. Гэвч хавар нь 10 орчим мянган 3 настай хүүхэд л цэцэрлэгээ төгсдөг. Өөрөөр хэлбэл 4 хүүхэд тутмын 3 нь цэцэрлэгээсээ гардаг. Тиймээс сургуулийн өмнөх 4,5 настнуудаа цэцэрлэгт бүрэн хамруулахын тулд ийн хуульчилсан” гэлээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна