Өнгөрсөн 1 дүгээр сард УИХ-ын гишүүн  асан Ё.Отгонбаяр сэтгүүлчийг дарамталж, заналхийлсэн асуудал олны анхаарал татсан. Улмаар нэр бүхий сэтгүүлчид мэдээлэл хийж, уг үйдлийг эсэргүүцсэн юм. Тэгвэл Эрүүгийн цагдаагийн газраас УИХ-ын гишүүн асан Ё.Отгонбаярт Эрүүгийн хэрэг үүсгэж, сэтгүүлч У.Оргилмааг хохирогчоор тогтоосон байна. 

Уг асуудал нь Хөгжлийн банкны зээлэгдэгчийн асуудлаас үүдэлтэй. Тодруулбал, Хөгжлийн банкнаас гаргасан зээлийн 55.3 хувь нь чанаргүй гэдэг ангилалд орсон талаарх мэдээллийг олон нийтэд дэлгэсэн. Зээлээ төлөөгүй компаниудын тоонд УИХ-ын гишүүн асан Ё.Отгонбаярын эхнэрийн хувь эзэмшдэг компани орсон бөгөөд 2018 онд  Хөгжлийн банкнаас 17.7 тэрбум төгрөгийн зээл аваад одоо болтол төлөөгүй байгаа юм. 

Энэ талаар Сэтгүүлч У.Оргилмаа “zarig.mn сайтыг байнгын уншигчийн хувиар харж байгаад миний мэдэж байгаа зүйл дурдагдаагүй бол коммент хэсэгт нь мэдээлэл өгөх байдлаар бичдэг. Энэ үүднээс “Мон дулаан” гэдэг компани Ё.Отгонбаяр гэдэг хүнээс илүү Барилга хот байгуулалтын дэд сайд асан Ш.Лхамсүрэнгийнх гэдэг мэдээллийг нэмж бичсэн. Гэтэл Ё.Отгонбаяр гэр бүлийнхээ хүний талаар нэмж бичсэн. Ингээд маргааш нь Ё.Отгонбаяр “Заригтай чинь хамт ална, заавал ална” гэхчлэн бичсэн. Намайг хувийн ДМ задалсныг ёс зүйгүй гэх шүүмжлэл байгаа. Гэхдээ энэ бол зүгээр нэг ДМ биш заналхийлэл гэж би үзэж байна” хэмээн мэдэгдэж байсан билээ.