30 дахь удаагийн Ой тогтоолтын дэлхийн аварга шалгаруулах тэмцээний дүн гарч, монголын баг тамирчид арвин их амжилт гаргасан талаар Монголын Оюун Ухааны Академийн захирал Х.Хатанбаатар мэдээллээ. 

Нийт 18 улсын шилдэг 366 тамирчин ой тогтоолтын спортын 10 төрлөөр өрсөлдсөнөөс нийлбэр дүнгээр ОУ-ын Их Мастер Н.Мөнхшүр маань Дэлхийн хошой аварга болжээ. Мөн тэмцээний нийт 90 медалиас 33 медаль (10 алт, 12 мөнгө, 11 хүрэл) хүртэж, 21435 оноогоор Монголын баг тэргүүлсэн байна. 

Түүнчлэн  манай таван тамирчин ОУ-ын Мастерийн цолны болзол хангажээ.