Монгол Улсын Ерөнхийлөгч У.Хүрэлсүхийн архидалдтай тэмцэх санаачлагад Монголын Залуучуудын холбооны хамт олон бид нэгдэж “Архидалтгүй баяр” аяныг өрнүүлж, ард иргэд тэр дундаа залуучуудыг аливаа баяр ёслолыг архидалтгүй тэмдэглэж өнгөрүүлэхийг уриалж хэвлэлийн хурал хийлээ.

Хэвлэлийн хуралд Монголын Залуучуудын холбооны Ерөнхийлөгч О.Гэрэлт-Од, Ерөнхийлөгчийн зөвлөх Б.Дэмбэрэл нартай хамт оролцож аяны талаарх дэлгэрэнгүй мэдээллийг сэтгүүлчдэд хүргэлээ.

“Архидалтгүй баяр” аяны хүрээнд төрийн болон төрийн бус байгууллагуудтай хамтран “Баасан гараг бүр спорт заалыг үнэ төлбөргүй болгох”, “Ажилтан, албан хаагчдыг архидалтын эсрэг сургалтад хамруулах”, “Архины шилэн дээр анхааруулга байршуулах”, “Ард иргэдийг баярын өдрүүдэд архидалтгүй тэмдэглэхийг уриалах” зэрэг ажлуудыг хэрэгжүүлэхээр төлөвлөн ажиллаж эхэллээ. Цаашид аяны хэрэгжилт, үр дүнгийн талаарх мэдээллийг сар тутам олон нийтэд мэдээлж явах юм.