Монгол Улсын Ерөнхийлөгч У.Хүрэлсүх энэ сарын нэгний өдөр үндэсний бөхийн 3 үеийн төлөөлөл болон МҮБХ-ны Ажлын албаныхныг хүлээн авч золголт хийж, хүндэтгэл үзүүллээ.

Золголтын үеэр Монгол Улсын Ерөнхийлөгч У.Хүрэлсүх бөхчүүдэд хандан Монгол бөхийн нэр хүнд, уламжлал, жудаг ёсыг үргэлжид өндөрт өргөж, Монгол эр хүний эрхэм чанаруудыг ямагт дээдлэн суралцаж, залуу хойч үедээ үлгэрлэж явах учиртайг онцлон сануулав.

Мөн Монгол Улсын Ерөнхийлөгч У.Хүрэлсүх Сар шинийн барилдааны үеэр буюу битүүний өдөр хүрэлцэн ирсэн 40 ахмад бөхөд гарын бэлгээ гардуулжээ.