Булган аймгийн Бугат сумын Баянтөгөл багийн “Өргөө булаг” гэдэг газар /аймгийн төвөөс хойд зүгт 52 км-т, Орхон аймгаас баруун хойд зүгт 20 км-т/ 04.23-ны өдөр Булган аймгийн Бугат сумын чиглэлд амарч явсан 3 хүн буцах замдаа автомашинаа шаварт суулгажээ. Улмаар тухайн өдрийн 19:00 цагийн орчим 1 хүн нь тусламж дуудахаар явсан ч сураггүй болсон байна. Энэ тухай дуудлагыг Онцгой байдлын байгууллага 04.24-ний өдрийн 03:01 цагт хүлээн авчээ. Дуудлагын дагуу Орхон аймгийн Онцгой байдлын газрын Гал түймэр унтраах, аврах 56 дугаар ангийн алба хаагчид, ар гэрийнхэн иргэн Ү /60 настай, эмэгтэй/-г эрэн хайх, аврах ажиллагааг эхлүүлсэн байна.