О.Мөнхжин, Б.Гантиг нарыг талийгаачийн буяны ажил оролцох хүсэлтийг шүүхээс хангажээ
Хууль хяналтын байгууллагынхан койнтой холбоотой хэд хэдэн хэрэг шалгаж байгаагийн нэг нь IHC койныг гаргагч "Ихбит" ХХК-ийнхан. Өнгөрсөн хугацаанд тус компанийн хувьцаа эзэмшигч болох О.Мөнхжин, Б.Гантиг, Б.Эрхэмбаяр нарыг “Бүлэглэж, албан тушаалын байдлаа урвуулан ашиглаж виртуал хөрөнгийн үнэ цэнэд нөлөөлөх нийтийн хүртээл болоогүй дотоод мэдээллийг ашиглаж виртуал хөрөнгийн арилжаанд оролцсон” гэх гэмт хэрэгт холбогдуулж, Эрүүгийн хуулийн тусгай ангийн 18.9 дүгээр зүйлийн 2 дахь хэсгийн 2.1, 2.2-т зааснаар эрүүгийн хэрэг үүсгэн, яллагдагчаар татаж, хоорондоо уулзахыг нь хориглосон.
Харамсалтай нь энэ долоо хоногт Ихбит ХХК-ийн үүсгэн байгуулагч, ТУЗ-ийн дарга Б.Эрхэмбаяр хорвоогийн бусыг үзүүлсэн. Тиймээс О.Мөнхжин, Б.Гантиг нарын өмгөөлөгчид талийгаачийн буяны ажилд оролцох хүсэлтийг шүүхэд ирүүлжээ.
Энэ талаар шүүхээс “Бүлэглэж, албан тушаалын байдлаа урвуулан ашиглаж виртуал хөрөнгийн үнэ цэнэд нөлөөлөх нийтийн хүртээл болоогүй дотоод мэдээллийг ашиглаж виртуал хөрөнгийн арилжаанд оролцсон” гэх гэмт хэрэгт холбогдуулж, Эрүүгийн хуулийн тусгай ангийн 18.9 дүгээр зүйлийн 2 дахь хэсгийн 2.1, 2.2-т зааснаар эрүүгийн хэрэг үүсгэн, яллагдагчаар татагдсан О.Мөнхжин, Б.Гантиг нарын өмгөөлөгчдөөс “...Уг хэрэгт яллагдагчаар татагдан шалгагдаж байсан Ихбит ХХК-ийн үүсгэн байгуулагч, ТУЗ-ийн дарга асан Б.Эрхэмбаяр нь 2023 оны 09 дүгээр сарын 17-ны өдөр зуурдаар нас барсан тул О.Мөнжин, Б.Гантиг нар талийгаачийн оршуулга, буяны ажилд зайлшгүй оролцох шаардлагатай байна. Иймд тэднийг уулзахыг хориглосон таслан сэргийлэх арга хэмжээг өөрчилж хувийн баталгаа гаргах таслан сэргийлэх арга хэмжээ авч өгнө үү...” гэх хүсэлтийг шүүхэд ирүүлсэн.
Сүхбаатар дүүргийн Эрүүгийн хэргийн анхан шатны шүүх 2023 оны 09 дүгээр сарын 20-ны өдөр яллагдагч О.Мөнхжин, Б.Гантиг нарын өмгөөлөгчдөөс гаргасан хүсэлтийг хянан хэлэлцээд шүүх хуралдаанд яллагдагч нарын өмгөөлөгчдөөс бичгээр ирүүлсэн хүсэлт, оролцогч нарын гаргасан тайлбар, хавтаст хэрэгт цуглуулж бэхжүүлсэн нотлох баримтууд зэрэгтэй танилцахад хүндэтгэн үзэх шалтгаан бий болсон, прокурорын зүгээс өмгөөлөгчдийн гаргасан саналыг дэмжсэн зэргийг харгалзан тэдэнд урьд авсан О.Мөнхжин, Б.Гантиг нарыг уулзахыг хориглох хязгаарлалт тогтоох таслан сэргийлэх арга хэмжээг хүчингүй болгож, харин Монгол Улсын хилээр гарахыг хязгаарлах таслан сэргийлэх арга хэмжээг хэвээр үлдээж шийдвэрлэв" хэмээн мэдээллээ.
Сэтгэгдэл (5)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.117.88
Залуусын зүрх зоригийг мохоож байхаар дэмждэг алдаа оноогий нь зааж хэлж өгдөг ч болоосой
Хариулах66.181.189.57
Залуучуудынхаа зүрх сэтгэлийг мохоож, юм хийх хүслийг нь дарах ямар тэнэг нийгэм гэхээрээ ийм бдаг юм бол. Цаг үетэйгээ зэрэгцэж хөгжөөчээ. Сэтгэл зүйн дарамт маш их нөлөөлсөн бх. Ум маани бадми хум.
Хариулах66.181.188.144
хангажээ байхда яахавдээ.хүсэтийг зөвшөөрчээ гэнэ биздээ
Хариулах59.153.114.74
Ум мани бадмэ хум. Их зүйл хийх бсан хүн гэж хардаг даа
Хариулах103.212.116.166
Алиа л шийдвэр байна ,
Хариулах