Дорнод аймгийн цагдаагийн газраас эрэн сурвалжилж байсан 7 настай “С” хүүг олсон талаар мэдээлсэн. Уг хэрэгт холбогдуулан 34 настай “Б” гэгчийг шалгаж байна. Цагдаагийн газраас өнөөдөр энэ хэргийн талаар мэдээлэл өглөө.

ЦЕГ-ын

- Цагдаагийн байгууллагад 2023 оны 9 дүгээр сарын 26-ны өдөр 21 цагийн орчимд 7 настай хүү 9 дүгээр сарын 25-ны өдрөөс хойш алга болсон гэх дуудлага мэдээлэл бүртгэгдсэн. 

-  Дуудлага мэдээллийн дагуу Дорнод аймгийн Цагдаагийн газрын дэд даргаар ахлуулсан Ажлын хэсгийн 25-30 алба хаагч эрэн сурвалжлах ажиллагааг шуурхай зохион байгуулсан. Үүний үр дүнд 2023 оны 9 дүгээр сарын 28-ны өдрийн 16 цаг орчимд аймгийн төвийн Хэрлэн сумын 3 дугаар баг Хөгшир гэх газрын ойролцоо, Хэрлэн голоос 400 метр орчим зайд 7 настай хүүхэд нас барсан байдалтай олдсон. 

- Тухайн хэргийн шалтгаан нөхцөлийг нь тогтоохоор цагдаагийн байгууллагаас тал бүрээс нь ажиллаж байна. Уг хэрэгт холбогдуулан 34 настай “Б” гэгчийг шалгаж, цагдан хорьсон.