НЗДТГ-аас Солонгосын Daewoo үйлдвэрийн автобустай холбоотойгоор  мэдэгдэл гаргаж, Улаанбаатар хотод ирсэн автобуснууд стандартын шаардлага хангахгүй, гэрээнд заасан нөхцөлийг зөрчиж байгаа тул хүлээн авах боломжгүй гэж мэдэгдсэн. Улмаар худалдан авалтад оролцсон албан тушаалтнуудыг хууль хяналтын байгууллагад шалгуулна гэсэн. 

Тэгвэл Авлигатай тэмцэх газар, Эрүүгийн цагдаагийн алба, Мөрдөн байцаах албаны хамтарсан Ажлын хэсэг “Ногоон автобустай холбоотой хэрэг” дээр ажиллаж байна.  Өнгөрсөн шөнө "Тэнүүн-Огоо" компанийн захирал "Г" болон "Э", Нийслэлийн худалдан авах ажиллагааны газрын "Т" болон "Б" нарын дөрвөн хүнийг түр саатуулжээ. 

"Тэнүүн-Огоо" ХХК нь нийслэлийн нийтийн тээврийн үйлчилгээнд ашиглах "Ногоон автобус"-нуудыг оруулж ирсэн юм.