Хэнтий аймгийн Дадал сумын Агац багийн “Бор хоолойн даваа" гэдэг газар /аймгийн төвөөс зүүн зүгт 270 км-т, сумын төвөөс зүүн хойд зүгт 25 км-т/ хээрийн гал түймэр гарчээ. Дуудлагын дагуу тус аймгийн Норовлин суманд ажиллаж байсан Онцгой байдлын газрын Гал түймэр унтраах, аврах 32, 42 дугаар ангийн алба хаагчид мөн өдрийн 20:00 цагт хээрийн гал түймрийг цурамд оруулсан байна. Алба хаагчид одоогоор түймрийг бүрэн унтраахаар ажиллаж байна. Урьдчилсан байдлаар түймэрт 700 га орчим талбай шатжээ.