Т
О
В
Ч

Онцлох
Сэдэв
tovch.mn
товч мэдээлнэ

Цагдаагийн албан хаагч угаартаж амиа алджээ

2019 оны 05 сарын 20

Цагдаагийн албан хаагч угаартаж амиа алдсан хэрэг гарчээ. Тодруулбал  Сүхбаатар аймгийн Түмэнцогт сумын Баян-Овоо багийн Цагдаагийн хэсгийн хяналтын цэгт /сумын төвөөс баруун хойд зүгт 1 км-т/ үүрэг гүйцэтгэж байсан 3 алба хаагч угаартсан тухай дуудлага 2019.05.19-ний өдрийн 11:45 цагт Онцгой байдлын албанд иржээ. 

 

Тус аймгийн Онцгой байдлын газрын Түмэнцогт сум дахь Эрэн хайх, аврах бүлгийн 1 алба хаагч, 1 автомашинтай 1 км замыг туулан 11:15 цагт очиход  тус бүлгийн аврагч, дэд ахлагч Э /21 настай, эрэгтэй/, сумын Цагдаагийн хэсгийн цагдаа, цагдаагийн дэд ахлагч Г /26 настай, эрэгтэй/ нар угаартсан байсныг эмнэлгийн байгууллагад шилжүүлэн өгсөн байна.

 

Харин хэсгийн төлөөлөгч, цагдаагийн дэслэгч Ж /35 настай, эрэгтэй/ угаартаж нас барсан байсан тул цогцсыг цагдаагийн байгууллагад шилжүүлэн өгчээ.

 

Тус аймгийн Онцгой байдлын газрын дарга, хурандаа Т.Энхбаатар, тус аймаг дахь Цагдаагийн газрын дарга, цагдаагийн хурандаа Н.Лхагвасайхан нарын 14 алба хаагч, аймгийн Нэгдсэн эмнэлгийн 3 эмч, нийт 17 хүн, 4 автомашинтай ажлын хэсэг тус суманд мөн өдрийн 15:45 очиж ажиллаж байгаа юм байна.

Сэтгэгдэл бичих

Сэтгэгдэл