Б.Жавхлан: Цалин, тэтгэвэр тэтгэмжийн санхүүжилтэд ямар нэгэн асуудал үүсэхгүй
Сангийн сайд Б.Жавхлан Засгийн газрын хуралдаанаар хэлэлцсэн асуудлын талаар мэдээлэл хийлээ.
Тэрбээр "Ерөнхий сайд сайд нарт 2025 оны төсвийн гүйцэтгэлтэй холбогдуулан үүрэг өгч, төсвийн орлого бүрдүүлэлт дээр онцгой анхаарч мөн зардлаа эрэмбэлж ажиллахыг үүрэг болголоо.
Түүнчлэн Төрийн хэмнэлтийн тухай хуулийг хэрэгжүүлж шинэ жил болон бусад баярыг төсвийн мөнгөөр тэмдэглэхгүй байх, бэлэг сэлт худалдан авахгүй байх, тэвчиж болох бүх зардлыг танах үүрэг өгсөн. Сүүлийн саруудын төсвийн орлого бүрдүүлэлтийг харахад оны эцэс гэхэд 2.3 их наядаар төсвийн орлого тасарч болзошгүй байна. Төсвийн орлого тасарч байгаа нь гурван шалтгаантай.
Нэгдүгээрт, нүүрсний үнэ 50 хувиар буурсан.
Хоёрдугаарт, импортын хувь хэмжээ буурсан.
Гуравдугаарт, АН-ын бүлэг татварын өршөөл үзүүлнэ гэж мэдэгдсэнээс хойш татвар төлөлт дээр эргэлзээ үүслээ. Татварын өртэй аж ахуйн нэгжүүд өрөө төлөхгүй хойшлуулах байдал үүсэж байна.
Цалин, тэтгэвэр тэтгэмжийн санхүүжилтэд ямар нэгэн асуудал үүсэхгүй. Өчигдрийн байдлаар Төрийн сангийн үлдэгдэл 1.3 их наяд байна. Төрийн сангийн данс улайсан гэдэг бол ташаа мэдээлэл" гэв.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна