Л.ЭНХ-АМГАЛАН: Сурагчдын амралт энэ сарын 28-наас эхлэхээр яригдаж байна, цэцэрлэг амрахгүй
БШУ-ны сайд Л.Энх-Амгалан ЕБС-ийн сурагчдын амралтыг 4 хоногоор наашлуулахаар ярилцаж байгаа талаар мэдээллээ.
Тодруулбал хичээлийн жилийн бүтцэд өөрчлөлт оруулах эрх БШУ-ны сайдын мэдэлд байдаг. Өнөөдрийн байдлаар албан ёсоор тушаал шийдвэр гарч албажаагүй ч урьдчилсан байдлаар сурагчдын амралтыг 4 хоног урагш нь татах тухай яригджээ. Учир нь 12 дугаар сарын 29-ний баасан гараг Үндэсний эрх чөлөөний өдрөөр бүх нийтээр амардаг. 30, 31-ний өдрүүд бямба ням гараг таарч буй. 1 дүгээр сарын 1 -ний өдөр мөн л бүх нийтийн амралтын өдөр учир ирэх 1 дүгээр сарын 2-ны мягмар гаргаас ажлын өдрүүд эхэлж байгаа юм. Өөрөөр хэлбэл сурагчид 4 өдөр л хичээллээд амрах тул ийн хувилбар яригдаж байгаа аж. Гэхдээ албан ёсны шийдвэр гараагүй талаар БШУ-наас мэдээллээ. Дээрх хугацаанд цэцэрлэг амрахгүй бөгөөд чөлөө авч болох аж.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна