КИНО ТЕАТР, НОМЫН САН ЗЭРЭГ ҮЗВЭР ҮЙЛЧИЛГЭЭНИЙ ГАЗРУУДЫН ҮЙЛ АЖИЛЛАГААГ ТҮР ЗОГСООЛОО
Нийслэлийн Мэргэжлийн хяналтын газар шинэ коронавируст халдвараас урьдчилан сэргийлэх үүднээс нийслэлд үйл ажиллагаа явуулж буй 2 болон 3 дахь шатлалын 17 эмнэлэг, гахай, шувуу, үхрийн фермийн аж ахуй эрхлэгч 303 байгууллага, нийтийн тээврийн газруудад эрүүл ахуй халдвар хамгааллын дэглэмийг хатуу мөрдөх, ариутгал халдваргүйжүүлэлтийг сайжруулах мэдэгдэл хүргүүлжээ.
Мөн өмчийн аливаа хэлбэрийг үл харгалзан 197 сургууль, 457 цэцэрлэг, их дээд сургууль, мэргэжлийн сургалт үйлдвэрлэлийн төв 95 жолооны курсууд, кино театр, номын сан, хүүхдийн тоглоомын төвүүд зэрэг урлаг соёлын 42 байгууллага, интернет цахим тоглоомын 167 газрын үйл ажиллагааг зогсоож, томоохон сургалтын танхимтай 76 ресторан, зочид буудлуудын захиргаанд олныг хамарсан үйл ажиллагааг 2020 оны 03 сарын 02-ны өдрийг дуустал зохион байгуулахгүй байх талаар мэдэгдэл хүргүүлж биелэлтэнд хяналт тавьж ажиллаж байна.
Шийдвэрийг хэрэгжүүлж ажиллаагүй тохиолдолд Төрийн хяналт шалгалтын тухай, Зөрчлийн тухай, Зөрчил шалган шийдвэрлэх тухай хуульд зааснаар арга хэмжээ авах аж.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна