Дарханы зам дээр 420 техник байршин ажиллаж байна
УИХ-ын гишүүн Д.Дамдинням өөрийн цахим хуудсаараа дамжуулан Дарханы замын талаар дараах мэдээллийг өгчээ.
- Бүтээн байгуулалтын улиралд замын ажлын тайлан мэдээг ЗТХЯ-наас авч иргэдэд ил тод, тогтмол мэдээлсээр ирсэн. Өнөөдрийн байдлаар Азийн Хөгжлийн банкны эхний урсгалын 5 багц ажлын нийт гүйцэтгэл 76.7 хувь, Европын сэргээн Босголт Хөгжлийн Банкны хоёрдугаар урсгалын 5 багц ажлын нийт гүйцэтгэл 53.4 хувийн хэрэгжилттэй байна.
-Эхний урсгалын хувьд 1, 3, 5-р багцын гүйцэтгэл ерөнхийдөө хангагдаж, хөдөлгөөн нээгдсэн. Зарим засварлах ажлуудыг хийж байгаа. Харин 2, 4-р багцын хувьд сонгон шалгаруулсан эхний бүтэлгүй гүйцэтгэгч компаниудаас болж ажил нь удаан хугацаагаар саатсан. Шинээр орсон компаниуд нь энэ хоцрогдлыг гүйцээх гээд нилээн чармайлттай ажиллаж байгаа.
- Хоёрдугаар урсгалын хувьд нийтдээ бүх багц дээр зам барилгын талбайд чулуу бутлуур, тэгшилгээ нягтруулалт болон хөрс хуулалт, орц гарц, хэв хашмал, хөдөлгөөн хязгаарлах шон, хашлага угсрах ажлууд голчлон хийгдэж байна.
- Суурь болон өнгө хучилтын ажлууд төлөвлөгөөнөөс хоцорч хийгдэж байгаад анхаарал хандуулж, холбогдох газруудад шаардлага тавьсан. Талбайд нийтдээ 818 хүн хүч, 420 техник байршин ажиллаж байна.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна