Хижаб өмсөөгүйн төлөө зодуулсан иран охин нас баржээ
ТЕХРАН, 2023 оны аравдугаар сарын 29 /ВВС/. Хэдэн долоо хоногийн турш эрчимт эмчилгээний тасагт ухаангүй байсан 16 настай Армита Гераванд нас баржээ. Хүний эрхийг хамгаалагчдын үзэж байгаагаар, метронд хижаб зүүгээгүй явж байсан түүнийг Ираны ёсзүйн цагдаа нар саатуулах үед оюутан охин биедээ хүнд гэмтэл авсан байна.
Хүний эрхийг хамгаалах Hengaw байгууллагын мэдээлснээр, уг хэрэг явдал 10 дугаар сарын 3-ны ням гарагт болжээ. Хяналтын камерын бичлэгийг үзвэл, Армита хоёр найз охины хамт метроны галт тэргэнд суух гэж байх үед ёсзүйн цагдаа нар ирж, хижаб буюу толгойн алчуураа зүүхийг түүнээс шаардсан байна. Охин татгалзахад цагдаа нар хүч хэрэглэснээр тэрбээр хүнд гэмтэл авсан бололтой. Удалгүй түүнийг ойролцоох цэргийн эмнэлэгт хүргэсэн байна.
Эрх баригчдын зүгээс цагдаа нар хүч хэрэглэснээс гэмтэл авсан гэдгийг эрс няцааж байгаа бол Hengaw байгууллагын идэвхтэнүүд хэрэг явдлыг цагдаа нарын үйлдэлтэй холбон тайлбарлаж байна.
Армитад тохиолдсон эл эмгэнэлт явдлыг өнгөрсөн онд Махса Амини амиа алдсан хэрэгтэй харьцуулж буй иранчууд олон байгаа юм. Амини нас барсны дараа Иран даяар эсэргүүцлийн ажиллагаа өрнөж, хэдэн сарын үргэлжилсэн билээ. Энэ үеэр ёсзүйн цагдаа нар эргүүл хийхийг түр хугацаанд хоригложээ.
Өнгөрсөн сард Ираны парламентын баталсан хуульд исламын шашны хувцаслалтын жишгийг зөрчсөн тохиолдолд эмэгтэйчүүдийг 10 жил шоронд хорих заалтыг оруулжээ.
ЭХ СУРВАЛЖ: https://montsame.mn/mn/
Сэтгэгдэл (6)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.117.236
Orchin vy boljhood baihad iim zanshil aa husmaar ym
Хариулах66.181.181.154
Хогийн газар
Хариулах103.57.92.92
Ёстой балай шашинтай уг нь 21р зуун шүүдээ
Хариулах59.153.113.152
Laliin shashin lalariin shashin
Хариулах120.17.203.96
Бурхан нь хамгаалдаггүы шашин
Хариулах103.57.92.92
Яааг знэн